გერმანია: მე-20 ტურის მიმოხილვა

Fanebi.com გერმანული ბუნდესლიგის მე-20 ტურის მიმოხილვას წარმოგიდგენთ.

შალკე – ბორუსია

ტურის პირველი და ცენტრალური მატჩის ბედი ერთადერთმა გოლმა გადაწყვიტა. მასპინძლებმა გამარჯვება ბარნეტას მიერ მე-10 წუთზე გატანილი გოლით მოიპოვეს და ხუთმატჩიანი წაუგებელი სერიით მე-3 პოზიციაზე აღზევდნენ.

გლადბახს კი წლის პირველი მარცხი ძვირად დაუჯდა. ფავრის გუნდი მეხუთე პოზიციაზე აღმოჩნდა. თუმცა, სატურნირო ცხრილის ზედა ნაწილში არსებული სიმჭიდროვის გათვალისწინებით, ამაში საგანგაშო ჯერჯერობით არაფერია.

ფრაიბურგი – დორტმუნდი

ჩვენი პროგნოზი გაამართალ და დამაჯერებელი გამარჯვება მოიპოვა დორტმუნდის “ბორუსიამ”. კლოპის შეგირდებმა უშუალო კონკურენტს სამი უპასუხო გოლი გაუტანეს.

ანგარიში მე-9 წუთზე მარკო როისმა ობამეიანგის პასით გახსნა და ტაიმიც დორტმუნდელებმა მინიმალურად მოიგეს. შესვენების შემდეგ კი ობამეიანგმა უკვე თავად გაიტანა და თანაც ორჯერ.

ამ გამარჯვებთ “ბორუსიამ” ბოლო პოზიციიდან პლეი-აუტის, მე-16 პოზიციაზე გადაინაცვლა. “ფრაიბურგი” კი 17-ზე აღმოჩნდა.

შტუტგარტი – ბაიერნი

წლის პირველი გამარჯვება იზეიმა მიუნხენის “ბაიერნმაც”, რომელიც გასულ ტურში შტუტგარტს სტუმრობდა.

მიუნხენელბს აუტსაიდერთან 3 ქულის მოპოვება არ გასჭირვებიათ. ანგარიში სტუმრებმა 41-ე წუთზე გახსნეს, როდესაც ვეიზერის გადაცემით თავი რობენმა გამოიჩინა. შესვენების შემდეგ 6 წუთში კი ალაბამ ულამაზესი დარტყმით საბოლოო ანგარიში დააფიქსირა.

მიუნხენელები 49 ქულით გათამაშებას დამაჯერებლად ლიდერობენ. “შტუტგარტი” კი ამ მარცხის შემდეგ ბოლო პოზიციაზე აღმოჩნდა.

ტურის ყველა მატჩი

06.02	23:30	შალკე 04		1:0		გლადბახი		დაწვრილებით
07.02	18:30	ვოლფსბურგი		3:0		ჰოფენჰაიმი		დაწვრილებით
07.02	18:30	მაინცი		0:2		ჰერტა		დაწვრილებით
07.02	18:30	ფრაიბურგი		0:3		დორტმუნდი		დაწვრილებით
07.02	18:30	შტუტგარტი		0:2		ბაიერნი		დაწვრილებით
07.02	18:30	კიოლნი		0:0		პადერბორნი		დაწვრილებით
07.02	21:30	ჰამბურგი		2:1		ჰანოვერ 96		დაწვრილებით
08.02	18:30	ვერდერი		2:1		ბაიერი		დაწვრილებით
08.02	20:30	აუგსბურგი		2:2		აინტრახტი		დაწვრილებით