“გია, სად იყო ეს ბიჭი აქამდე?” – ბათუმის დაკარგული ფეხბურთელი საუკეთესოა!

ბათუმის “დინამომ” ეროვნული ლიგის მე-2 ტურში თბილისის “დინამო” 3-0 გაანადგურა. დუბლი ჯოვინომ შეასრულა, საბოლოო ანგარიში კი ბიძინაშვილმა დააფიქსირა.

მიუხედავად იმისა, რომ ჯოვინოს გოლებთან ერთად ასისტიც ჰქონდა, ერთ-ერთი საუკეთესო მოედანზე ნახევარმცველი გუგა ფალავანდიშვილი იყო, რომელიც ალთუნაშვილთან ერთად ნახევარდაცვის ცენტრს აკონტროლებდა.

“ეს ბიჭი სად იყო აქამდე?”, “ფალავანდიშვილი იყო უბრალოდ გენიალური, ეგ, ალთუნა და ბიძინაშვილი ყველაზე მაღალი საფეხბურთო IQ-ით არიან”, “7 თვე გუგას გვიმალავდით?”, “დილაში” ყველაზე მაგარი იყო და რა გასაკვირია, აქაც რომ ასეა” – წერდა ბათუმელი გულშემატკივარი ფალავანდიშვილზე.

“დინამომ” ფეხბურთელი 2021 წლის აგვისტოში დაიმატა, მაგრამ თურქულ შეკრებამდე გუნდში არ გამოჩენილა, ახლა კი ნელ-ნელა “დინამოს” შეუცვლელი წევრი ხდება.

ფოტო: ბათუმის დინამო