გია ცეცაძემ “ლვოვის” თავკაცის პოსტი დატოვა

გია ცეცაძემ საფეხბურთო კლუბ “ლვოვის” მთავარი მწვრთნელის პოსტი დატოვა. ამის შესახებ ქართველმა სპეციალისტმა უკრაინის ჩემპიონატის მეშვიდე ტურში “დნიპრო 1”-თან განცდილი მარცხის (1:3) შემდეგ განაცხადა.

“ძალიან ცუდად ვითამაშეთ, არაფერი გამოგვივიდა. პოსტს ვტოვებ, დღევანდელი დღიდან “ლვოვში” აღარ ვიმუშავებ. მადლობას ვუხდი ყველას”, – აღნიშნა ცეცაძემ.

შეგახსენებთ, რომ 46 წლის სპეციალისტი “ლვოვს” 2020 წლის ივნისიდან თავკაცობდა. კლუბს სატურნირო ცხრილში ერთი ქულით ბოლო ადგილი უკავია, ბურთების შეფარდება კი 3–20-ზე აქვს.