გიგაური: „ცხინვალის“ წარმატებისთვის თავს არ დავზოგავ“

დღეს, 17:00 საათზე, მიხეილ მესხის სახელობის სტადიონის სათადარიგო მინდოზე უმაღლესი ლიგის პირველი ტურის ფარგლებში ერთმანეთს „ცხინვალი“ და დებიუტანტი „საბურთალო“ შეხვდებიან. მოახლოებული შეხვედრის შესახებ ცხინვალელთა ანხევარმცველმა მერაბ გიგაურმა ისაუბრა.

„საბურთალოსთან“ მატჩს სრული კონცენტრირებით ვხვდებით და ყველაფერს გავაკეთებთ, რომ პირველ ოფიციალურ მატჩში გამარჯვება მოვიპოვოთ. პირადად ჩემზე რაც იქნება დამოკიდებული, დღევანდელ მატჩშიც და მთელი სეზონის განმავლობაშიც, ყველაფერს გავაკეთებ და „ცხინვალის“ წარმატებისთვის თავს არ დავზოგავ.

ჩვენს გუნდს წელსაც შორსმიმამავლი მიზნები აქვს და გვინდა ჩემპიონატი სამეულში დავასრულოთ. ევროპის ლიგის საგზურისთვის წელსაც აუცილებლად ვიბრძოლებთ“, – ციტირებს გიგაურს „ცხინვალის“ ოფიციალური „ფეისბუქის“ გვერდი.