გიორგი პაპუნაშვილი – “ტორპედოს” სეზონის ყველაზე ცუდი ტრანსფერი?

გიორგი პაპუნაშვილი ქუთაისის “ტორპედოს” სეზონის დაწყების წინ შეუერთდა, 15 მატჩში მიიღო მონაწილეობა და ზუსტად 0 გოლი და 0 საგოლე პასი აქვს გაკეთებული.

პაპუნაშვილმა ეროვნულ ლიგაში 15 მატჩიდან 11 ძირითადში დაიწყო და საკმარისი დრო ეძლეოდა, მაგრამ თავის გამოჩენა ვერცერთხელ შეძლო.

გასულ თამაშებში პაპუს შეხვედრაში 1 საგოლე მომენტი მაინც ექმნებოდა, მაგრამ დამაგვირგვინებელ მომენტში ვერ გაჰქონდა.

“ტორპედოს” ყოფილი მწვრთნელის, გია ცეცაძის აზრით, ეს მისი სათამაშო ფორმიდან გამომდინარე ხდება. ის, რომ ფეხბურთელს ბოლო 3 წელია პრაქტიკულად ერთი სეზონიც კი წარმატებული არ ჰქონია და ახლა საკუთარი თავის რწმენა აქვს დაკარგული.

არადა, გიორგი ჯერ მხოლოდ 26 წლისაა და ყველაფერი წინ აქვს. სხვადასხვა დროის განმავლობაში “ვერდერის”, “აპოლონის”, “სარაგოსას”, “რასინგისა” და თბილისის “დინამოს” ღირსებას იცავდა.