გიორგი ჭანტურიამ საბურთალოელები მოინახულა

თარიღი: დეკემბერი 17, 2014

საქართველოს ეროვნული ნაკრების ფეხბურთელმა გიორგი ჭანტურიამ დღეს ის გარემო და მწვრთნელ-ხელმძღვანელები მოინახულა, სადაც ბავშვობა გაატარა და პროფესიულ სპორტსმენად ჩამოყალიბდა. “ბენდელაზე” გიორგი საბურთალოელებთან ერთად იმ პერიოდს იხსენებდა, როდესაც რამდენიმე წლის წინ ამ სკოლის მაისურით გაჰქონდა გოლები, სხვა და სხვა ნომინაციებში გამარჯვებული რომ ხდებოდა, რა ვითარებაც იმ წლებში იყო.

რა თქმა უნდა, ბავშვობის პერიოდი ყველასთვის სასიამოვნოდ მოსაგონარი ფაქტია, ყველაფერი კარგად და ლამაზად გახსენდება ადამიანს – ასე იყო დღესაც, 2014 წლის 17 დეკემბერს, ბარბარობის დღესასწაულს!
გიორგი, რომელიც რამდენიმე დღის წინ ჩამოვიდა სამშობლოში, ჯერაც ახალი გუნდის ძიებაშია. გემახსოვრებათ, რომ ჩვენებური ბოლოს რუმინული “კლუჟის” ღირსებას იცავდა. თბილი მოკითხვისა და მცირე საუბრის შემდეგ, ჭანტურიას რამდენიმე კითხვით მივმართეთ:
– გიორგი, ბავშვობის პერიოდით დავიწყოთ – როგორ გაიხსენებთ იმ დროს, რომელიც “საბურთალოში” გაატარეთ?
– ყველაფერი ძალიან კარგად და ლამაზად მახსენდება. რომელ გუნდშიც არ უნდა ჩავირიცხო, რასაც არ უნდა მივაღწიო, ვერაფრით ვერ დავივიწყებ იმ დროს, იმ წლებს, რომელიც “საბურთალოსთან” ერთად გავატარე. ამ კლუბის ხელმძღვანელები ჩემი მეგობრები არიან – ტარიელ ხეჩიკაშვილი, კახა და ქართლოს ჭუმბურიძეები, კახა კაშია… სწორედ ამ ადამიანების დიდი დამსახურებაა რომ ფეხბურთს ვთამაშობ. “საბურთალო” ჩემს გულში არის და მუდამ იქნება.
– რამდენი წლის იყავით, როდესაც “საბურთალოს” სკოლაში მოხვდით?
– კარგად მახსოვს 12 წლის ვიყავი, როდესაც ამ სკოლის კარები შემოვაღე. “საბურთალოში” სათამაშოდ საფეხბურთო აკადემია “ოლიმპიდან” გადმოვედი. აქ რამდენიმე წელი ვითამაშე, რომელიც მართლაც დაუვიწყარი იყო, შემდეგ კი ესპანურ გრანდში, “ბარსელონაში” აღმოვჩნდი. რა თქმა უნდა, მოულოდნელი და სასიამოვნო იყო ეს ყველაფერი, კარგა ხანს ვერ ვათვითცნობიერებდი თუ რა დონის კლუბში მოვხვდი. იშვიათად, როდესაც მოზარდი ჩაირიცხოს ისეთ დიდ მსოფლიოს დონის კლუბში, როგორიც “ბარსაა”.
– რახან ბარსელონაზე” საუბრობთ, აქვე შეგეკითხებით – ახლანდელი გადასახედიდან, შეცდომა ხომ არ იყო ესპანეთიდან წამოსვლა?
– ახლა რომ ვუკვირდები, ვფიქრობ რომ შეცდომა იყო, არ უნდა წამოვსულიყავი და უნდა დავრჩენილიყავი “ბარსელონაში”. წარმოიდგინეთ, როგორ გარემოში მიწევდა თითოეული ვარჯიშისა თუ თამაშის გამართვა, რა პირობებში ვიყავი, როგორ ლეგენდებთან მქონდა ურთიერთობა. ამასთა ერთად, როცა თამაშის საშუალება მომეცა გოლებიც შევაგდე და ურიგოდ არ გამოვიყურებოდი. თან მაშინ მართლაც პატარა ვიყავი… ესპანეთიის ჩემპიონატი მაღალი დონის პირველობაა, გახსნილ, სწრაფ და სანახაობრივ ფეხბურთს თამაშობენ.
– რამდენიმე წუთის წინ “ბენდელას” თასზე საუბრობდით ხელმძღვანელებთან. ხსენებულ ტურნირზე თქვენც გაქვთ მონაწილეობა მიღებული. როგორ გაიხსენებთ ამ ყველაფერს?
– თითქოს გუშინ იყო ის ტურნირი, ასე მახსენდება. რომ ვუკვირდები, რამხელა დრო არის გასული, წლები მართლაც სწრაფად გარბის. ერთ-ერთ “ბენდელას” თასზე ტელევიზორი მაჩუქეს, რომელიც ახლაც მაქვს და კარგად მუშაობს.
– როგორც ვიცი, ჯერაც გუნდის ძიებაში ხართ. რაიმე კონკრეტულის თქმა ხომ არ შეგიძლიათ?
– ჯერჯერობით ვერაფერს ვერ გეტყვით, მოლოდინის რეჟიმში ვარ, იმედია ეს ყველაფერი მალე კარგად დასრულდება. ახალ წელს სამშობლოში შევხვდები, მოვინახულებ იმ ადამიანებს, რომლებიც კარგა ხანს არ მინახავს. როცა კონკრეტული შემოთავაზება მექნება, ყველაფერს ავწონ-დავწონი, ოჯახთან ერთად განვიხილავ და საბოლოო გადაწყვეტილებასაც მივიღებ.
– “ვიტესში”, შემდეგ კი “კლუჟში ითამაშეთ. როგორ შეადარებთ ამ ორ გუნდს და რა სხვაობებია?
– ჰოლანდიაში ბევრად კარგი პირობებია ვიდრე რუმინეთში, მაგრამ ძალიან დიდი სხვაობაა ჩემპიონატებს შორის. რუმინეთში ბევრად რთულია თამაში, იქ ძალისმიერ, შედარებით ჩაკეტილ ფეხბურთს თამაშობენ. მაღალი დონის გუნდები არიან “სტიაუა”, ბუქარესტის “დინამო”, “კლუჟი” და კიდევ რამდენიმე. უბრალოთ, ახლა გარკვეული კრიზისია და ეს იქაურ ჩემპიონატსაც დაეტყო.
რაც შეეხება ჰოლანდიას, ბევრად იოლია თამაში, აქცენტი შეტევაზეა გადატანილი. ხშირად არის მატჩები, როდესაც 4-5 გოლი უპრობლემოდ გადის. ძირითადად “აიაქსი” და პსვ ბატონობენ, იშვიათად, რომ ამ დიდ კლუბებს რომელიმემ გაუწიოს კონკურენცია.
– “კლუჟში” მეორედ რამდენიმე თვის წინ დაბრუნდით. ალბათ ახლა უფრო გაგიადვილდებოდათ?
– დიახ, უკვე ნაცნობი ადგილი და გარემო იყო. ენის მხრივ არც ადრე მქონია პრობლემა, რადგანაც ვფლობდი ინგლისურს, ახლა კი ოთხი ენა ვიცი. ახლანდელი სეზონი ურიგოდ არ ჩამიტარებია – გოლებიც გავიტანე, რამდენჯერმე ტურის სიმბოლურ ნაკრებშიც მოვხვდი.
– ორივე კლუბს ფანების დიდი არმია ჰყავთ. გვიამბეთ, ჰოლანდიელი და რუმინელი გულშემატკივრების შესახებ?
– ისინი მართლაც გამორჩეულები არიან. ძნელია ყველაფერი გადმოგცეთ ის, რაც თამაშის დაწყებამდე, მატჩის მიმდინარეობისას თუ დასრულების შემდეგ ხდება. ეს ყველაფერი ერთხელ მაინც უნდა ნახოს ადამიანმა, თუ როგორი ზეიმია და როგორ ემზადებიან კონკრეტული მატჩებისთვის. ჩათვალეთ, რომ თითოეული თამაში მათთვის დღესასწაულია.
– არნემის ნოსტალგია არა გაქვთ, სადაც რამდენიმე წელიწადი ითამაშეთ?
– “ვიტესშიც” სასიამოვნოდ მახსენდება ყველაფერი, შეიძლება ითქვას, ჰოლანდიაში შედგა ჩემი, როგორც პროფესიონალი ფეხბურთელის დებიუტი. არნემის ნოსტალგია არა მაქვს, რაც “ვიტესიდან” წამოვედი ორჯერ თუ ვიქნები ნამყოფი, თუმცა გულშემატკივრები თბილად მხვდებიან.
– ეროვნულ ნაკრებზეც შეგეკითხებით – ქვეყნის პირველ გუნდში პირველად რამდენიმე თვის წინ მოხვდით. როგორი იყო სადებიუტო შეკრება, მატჩი?
– ვფიქრობ, რომ ნაკრებში გამოძახებას მანამდეც ვიმსახურებდი, მაგრამ ახლა ამაზე საუბარს აზრი არა აქვს. მაშინ, მწვრთნელმა ასე ჩათვალა საჭიროდ, თუმცა როცა გამომიძახა, ბუნებრივია გამიხარდა. დებიუტის კვალობაზე წარმატებულად შეიძლება ჩაითვალოს – კარგად მახსოვს, “მიხეილ მესხზე” ლიხტენშტაინის ნაკრებს შევხვდით, 2:0 მოვიგეთ, ერთი გოლი კი მე გავიტანე. გოლი ლამაზი გამოდგა, რომელიც მუდამ დარჩება ჩემს მეხსიარებაში.
– ნაკრებზე რას იტყვით, რამდენად ჯანსაღი მდგომარეობაა გუნდში?
– მეგობრული სიტუაცია, კარგი გარემოა, თუმცა, შედეგები არასახარბიელო გვაქვს. ვფიქრობ, ქვეყნის პირველ გუნდს გააჩნია იმის პოტენციალი, რომ შემტევი და ლაღი ფეხბურთი ითამაშოს, ისეთი, როგორიც ჩვენს გენშია. უნდა ვითამაშოთ ფეხბურთი, როგორიც გულშემატკივარს სიამოვნებს, როგორსაც მიჩვეულები ვართ.
– გიორგი, საუბრის ბოლოს რას ეტყვით იმ ნორჩ ფეხბურთელებს, რომლებიც სპორტის ამ სახეობაში ახლა დგავენ პირველ ნაბიჯებს?
– შრომის გარეშე მართლაც არაფერი გამოვა, თუ ყოველდღიურად არ იმუშავე, ისე წარმატებული ფეხბურთელი ვერ გახდები. შეიძლება ითქვას, თავი უნდა გქონდეს გადადებული. შენი საქმის მოყვარული უნდა იყო, მუდამ პროგრესზე ზრუნავდე. ამ ყველაფერთან ერთად, კარგი იქნება თუ ღმერთისგან ნიჭითაც იქნები დაჯილდოვებული.
fcsaburtalo.ge

მსგავსი სიახლეები
ფეხბურთი

მსოფლიოს ჩემპიონატის მასპინძელი ქვეყანა შეიცვალა

ფიფას საკლუბო მსოფლიოს ჩემპიონატის მასპინძელი ქვეყანა შეცვალეს. ტურნირი ყატარის ნაცვლად იაპონიაში ჩატარდება. საკლუბო მსოფლიოს ჩემპიონატი […]...
წაკითხვა
ფეხბურთი

რამდენი მილიონი გამოიმუშავა ვაკო ყაზაიშვილმა ამერიკაში?

საქართველოს ეროვნული ნაკრების შემტევი ვაკო ყაზაიშვილი ევროპიდან ამერიკის კონტინეტზე 2017 წელს გადავიდა და მისი წლიური […]...
წაკითხვა
ფეხბურთი

ანჩელოტი: “რონალდომ მითხრა, თუ ჩემგან სირბილს მოითხოვ, ძირითადში არ დამაყენოო”

ლივერპულის “ევერტონის” მთავარმა მწვრთნელმა კარლო ანჩელოტიმ “ფრანს ფუტბოლის” ჟურნალისტთან საუბრისას ის დრო გაიხსენა, როდესაც &#...
წაკითხვა
ფეხბურთი

მიქაუტაძის მორიგი გოლი ბელგიაში (ვიდეო)

ბელგიის პროქსიმუს ლიგაში, “ბრიუგეს” 23-წლამდე გუნდსა და “სერენს” შორის მიმდინარე მატჩის მე-19 წუთზე ჟორჟ მიქაუტაძემ […]...
წაკითხვა
ფეხბურთი

ვინ აფინანსებს “ლანჩხუთის” ქალთა გუნდს? – ყველა ინფორმაცია

ქალთა გუნდმა “ლანჩხუთმა” ჩემპიონთა ლიგის 1/16 ფინალში გააღწია და მისი დიდი წარმატებით ნაკრების წარუმატებლობა გადაფარა. […]...
წაკითხვა
ფეხბურთი

ვაკო ყაზაიშვილმა “სან ხოსე” დატოვა

საქართველოს ნაკრების წევრმა, ვაკო ყაზაიშვილმა ამერიკული “სან ხოსე” დატოვა. ვაკომ ამის შესახებ პოსტი სოციალურ ქსელში […]...
წაკითხვა
ფეხბურთი

ჯორჯინა როდრიგესის 10 ყველაზე პოპულარული ფოტო ინსტაგრამში

ტურინის “იუვენტუსის” თავდამსხმელის, კრიშტიანო რონალდუს მეუღლეს, ჯორჯინა როდრიგესს სოციალურ ქსელ ინსტაგრამში 22 მილიონზე მეტი გამომწერი [&h...
წაკითხვა
ფეხბურთი

“ინტერი” და “პსჟ” ფეხბურთელების გაცვლას აპირებენ

“ლა გაძეტა დელო სპორტის” ინფორმაციით, მილანის “ინტერი” და “პარი სენ-ჟერმენი” ნახევარმცველების გაცვლას აპირებენ. წყ...
წაკითხვა
ფეხბურთი

“გაგრა” საქართველოს თასის გამარჯვებულია

საქართველოს თასის ფინალში “გაგრამ” წყალტუბოს “სამგურალი” პენალტების სერიაში 5-3 დაამარცხა და საქართველოს თასს ისტორიაში მეორედ...
წაკითხვა
ფეხბურთი

ვიეირა გაუშვეს

“ნიცას” ხელმძღვანელობამ პატრიკ ვიეირა გუნდის მთავარი მწვრთნელის პოსტიდან გაათავისუფლა. ფრანგი სპეციალისტი კლუბს ორწელიწადნახევრის განმავლო...
წაკითხვა
ფეხბურთი

შობოშლაიმ მომავალი კლუბი აირჩია

“რედ ბულ ზალცბურგის” ნახევარმცველმა, დომინიკ შობოშლაიმ, საკუთარ მომავალთან დაკავშირებით გადაწყვეტილება მიიღო. უნგრელი ფეხბურთელი კარიერის ...
წაკითხვა
ფეხბურთი

ლევანდოვსკი ოქროს ბურთის გაუქმების გადაწყვეტილებას გამოეხმაურა

მიუნხენის “ბაიერნის” ერთ-ერთი ლიდერი, რობერტ ლევანდოვსკი, ოქროს ბურთის 2020 წლის გათამაშების გაუქმებასთან დაკავშირებით მიღებულ გადაწყვეტილ...
წაკითხვა
ფეხბურთი

მოურინიო: “ჯერ ძალიან ახალგაზრდა ვარ, 57 წლის”

ლონდონის “ტოტენჰემის” მთავარმა მწვრთნელმა, ჟოზე მოურინიომ, საკუთარ მომავალზე საუბრისას აღნიშნა, რომ კარიერის დასრულებას მომავალი 10-15 [&h...
წაკითხვა
ფეხბურთი

ცვილის ფიგურათა მუზეუმში მესის ძეგლი დადგეს (ფოტო)

ბარსელონის ცვილის ფიგურათა მუზეუმში ახალი ექსპონატი წარადგინეს. ობიექტს “ბარსელონას” ლიდერ ლიონელ მესის ფიგურა შეემატა. ძეგლი […]...
წაკითხვა
ფეხბურთი

საქართველოს ნაკრები – ყველა ქართველი მწვრთნელი გამოირიცხა?

ვლადიმირ ვაისის საქართველოდან წასვლის გადაწყვეტილების შემდეგ, ნაკრების მთავარი მწვრთნელის პოსტი ვაკანტურია და ფეხბურთის ფედერაციამ ვაისის შემცვლელის [...
წაკითხვა