გოგა გახოკიძე: “ჩაკვეტაძე ისეთ კლუბში უნდა გადავიდეს, სადაც ითამაშებს”
გიორგი ჩაკვეტაძის აგენტმა, ყოფილმა ფეხბურთელმა გოგა გახოკიძემ ფეხბურთელის შესახებ ისაუბრა.
“ჩაკვეტაძესთვის მნიშვნელოვანია თავდაჯერება დაიბრუნოს. “ჰამბურგში” წავიდა, მწვრთნელმა რაღაც ისეთი თვალით შეხედა, არ ვიცი რა მოხდა, ცოტა ძნელი გასაგებია. ჩაკვეტაძემ მოაგებინა საქართველოს პირველი ერთა ლიგა.”
“აუცილებლად უნდა გადავიდეს ისეთ გუნდში, სადაც ითამაშებს. 22 წლისაა და უფრო უნდა მოინდომოს, თავის თავზე იმუშავოს და არც მწვრთნელი და არც ვინმე ალაპარაკოს, რომ ვარჯიში ეზარება ან რამე. აუცილებლად გამოუვა და იმხელა რესურსი აქვს, შეუძლია დიდ დონეზე ითამაშოს”
“რაიმე კონკრეტული შეთავაზება ჯერ არ არის. ქეცბას უნდოდა მისი წაყვანა, მაგრამ ახლა თვითონ მიდის “ანორთოსისიდან”. “გენტში” დარჩენა არ უნდა, იქ მწვრთნელმაც გააგრძელა კონტრაქტი. უნდა მოხვდეს კლუბში, სადაც სათამაშო პრაქტიკა ექნება, თუ არა, მაშინ ფსიქოლოგიურად გატყდება” – განაცხადა გახოკიძემ “საფეხბურთო ტაიმაუტში”.
გავრცელებული ინფორმაციით, გიორგის დამატება თბილისის “დინამოსაც” სურს, მაგრამ გაკოხიძეს ამ თემაზე არ უსაუბრია.
