გორდონ სტრაჩანი: “ფრე სამართლიანი შედეგი იქნებოდა”
შოტლანდიის ეროვნული ნაკრების მთავარმა მწვრთნელმა გორდონ სტრაჩანმა საქართველოს ნაკრებთან წაგებული მატჩის შემდეგ ჟურნალისტების კითხვებს უპასუხა.
“ჩემი აზრით, დღეს ჩვენი თამაში მოსაგებად საკმარისი არ იყო, თუმცა არ წაგებას ვიმსახურებდით. ფრე სამართლიანი შედეგი იქნებოდა. ვფიქრობ, სანამ გოლს გავუშვებდით, ჩვენს კართან სერიოზული ხიფათი არ შექმნილა. გადამწვყეტ მომენტებში ცოტა დაგვაკლდა. ყოველთვის ყველაფერი ისე არ მიდის, როგორც გინდა. ვწუხვართ, რომ დავმარცხდით, თუმცა ჩვენ მიზნის მიზნის მიღწევის შანსი ისევ გვაქვს.
ქართველთა მეკარეს თამაშში ჩართვა ხშირად არ უწევდა. ჩვენი კომბინაციებით ფონს გასვლა ვერ შევძელით.
სიცხის ფაქტორი შეიძლება გასამართლებლად გამოვიყენოთ, მაგრამ ეს არასწორი იქნება. ჩვენ ვერ ვითამაშეთ ისე, როგორც გვსურდა.
რა თქმა უნდა, საწმუხაროა, რომ შეხვედრა ვერ მოვიგეთ, მაგრამ ევროპის ჩემპიონატზე გასვლის შანსი გვაქვს. ასეთ სიტუაციაში ადრეც ვყოფილვართ.
სამი მატჩი დაგვრჩა სათამაშო. უნდა ვიზრუნოთ იმაზე, რომ მაქსიმალურად კარგ შედეგს მივაღწიოთ. მარცხი მალევე უნდა დავივიწყოთ და მომავალზე ვიფიქროთ.”
