გორის ‘ჯიქი’ საქართველოს ჩემპიონია

თარიღი: მაისი 14, 2017

გორის ‘ჯიქმა’ დიდი 10 ტოიოტას ფინალში ბათუმის ‘ბათუმს’ 28:22 სძლია და არსებობის ისტორიაში პირველად გახდა საქართველოს ჩემპიონი.

 

რამდენიმე წლის წინ აწ გარდაცვლილი გოჩა აბაშიძის მიერ დაარსებულმა კლუბმა ჩემპიონობისკენ ნაბიჯ-ნაბიჯ, გეგმაზომიერად იარა და წელს რეგულარული გათამაშების მოგების შემდეგ ოქროს კვარცხლბეკი დამსახურებულად დაიკავა.

 

ფინალმა მოლოდინი გაამართლა. საქართველოს რაგბის კავშირის ოფიციალურ გვერდზე წარმოებდა ვებ-ოქმი, სადაც ცოცხალ რეჟიმში ხდებოდა განახლება; ტრიბუნებზე მრავლად იყვნენ ორივე გუნდის გულშემატკივრები, რომლებიც სტადიონზე განსაკუთრებულ ატმოსფეროს ქმნიდნენ და თამაში ნამდვილ ზეიმად იქცა.

 

მატჩის დებიუტი ბათუმელების იყო. მე-7 წუთზე თემურ სოხაძის ფეხით ჩაკიდებული ბურთი ალექსი ტუჩაშვილმა ვერ შეიმაგრა და ლელო არ შედგა, მაგრამ ზღვისპირელებმა მეტოქის შერკინებაში ჯარიმა მოიპოვეს და ის ბახვა კობახიძემ 3 ქულად გარდასახა. ‘ჯიქის’ დამრტყმელმა რამაზ ხარაზიშვილმა 40 მეტრიდან გატანილი ჯარიმით მალევე უპასუხა და წონასწორობა აღადგინა. მერე საქმეში ნერვები ჩაერთო და ორივე გუნდს ჯარიმები გაუცუდდა. 28-ე წუთზე ხარაზიშვილმა 50 მეტრიდან საკუთარი გუნდი დააწინაურა, 3 წუთში კობახიძემ ასევე შორეული დარტყმით უპასუხა, ტაიმის მიწურულს კი ბათუმელი ჯონდი კორტავა სინბინით დაისაჯა და ეს გადამწყვეტი აღმოჩნდა.

 

‘ჯიქმა’ ბურთი აუტში გადაიტანა, დერეფნიდან მოლი დააყენა და ბექა მამრიკიშვილმა შეხვედრის პირველი ლელო დაამიწა, ხოლო ხარაზიშვილმა გარდასახა.

 

მეორე ტაიმი გორელებმა აქტიურად დაიწყეს, მეტობის გამოყენება სცადეს და მეორე ცდაზე მიზანს მიაღწიეს. ლელოს გატანა ორივე გარემარბს შეეძლო, მაგრამ ხარაზიშვილს მცველმა დაასწრო, ხოლო ნიკა ბიწაძე უბურთოდ შებოჭეს. ‘ჯიქმა’ ჯარიმა სწრაფად გაათამაშა და ბურთი ფლანგებზე ორჯერ ჩაათამაშა, რის შემდეგაც ლელოში ‘ჯიქის’ კაპიტანი გურამ შენგელია შევიდა. გარდასახვა არაზუსტი იყო და ‘ბათუმი’ ანგარიშში 59-ე წუთზე დაბრუნდა. დერეფნის მოგების შემდეგ მოლში სამი შემტევი უკანახაზელიც ჩაერთო და კობახიძემ ლელო თავადვე გარდასახა.

 

მომდევნო 5 წუთში გუნდებმა ჯარიმები გაცვალეს, 67-ე წუთზე კი, ‘ჯიქმა’ კიდევ ერთი ლელო გაიტანა: მრავალფაზიანი შეტევა მათ საკუთარი ნახევრიდან დაიწყეს, ეტაპობრივად მეტოქის 22-ს უწიეს, იქ ხარაზიშვილი მბოჭავს ერთი-ერთზე დაუსხლტა და ძელებსუკან დადებული ლელო თავადვე გარდასახა. დასკვნით 10 წუთში ‘ბათუმმა’ იბრძოლა, კობახიძემ 2 ჯარიმით ჩამორჩენა 6 ქულამდე დაიყვანა, მაგრამ გადამწყვეტი შეტევა ვეღარ შედგა და ‘ჯიქმა’ 28:22 გამარჯვებით საკუთარი გულშემატკივარი გაახარა.

 

გორელებმა დიდი 10 ტოიოტას ფინალის მოგებით დამატებით 70 ათასიც მოიგეს, ხოლო ‘ბათუმს’ ნუგეშად სპონსორისგან 30 ათასი შეხვდა.
„ვულოცავ ამ ახალგაზრდა კლუბს ასეთ დიდ წარმატებას და ყველას, ვისაც ჩვენი გუნდის მაისურით თუნდაც ერთხელ მაინც უთამაშია. მინდა მოვიგონო ის გარდაცვლილი ადამიანები, რომლებიც სიცოცხლეში მხარში გვედგნენ და იმ ქვეყანაზე მივულოცო ეს წარმატება.

 

თამაში დაძაბული გამოდგა. თავი გამოუცდელობამ იჩინა და მხოლოდ ტაიმის მიწურულს დავლაგდით. მეორე ტაიმში უკეთ ვითამაშეთ. როდესაც ბურთზე კონტროლი დავამყარეთ უპირატესობა ხელთ ვიგდეთ და ეს კარგად გამოვიყენეთ. აქცენტი გავაკეთეთ მეტოქის სინბინზე და ამ პერიოდში 2 ლელო დავდეთ. ‘ბათუმი’ კარგი გუნდია, მაგრამ მას დღეს რაღაც დეტალებში ვაჯობეთ“ – განაცხადა ნამატჩევს ‘ჯიქის’ მთავარმა მწვრთნელმა პალიკო ჯიმშელაძემ.

 

„ფინალამდე ნაბიჯ-ნაბიჯ მივედით, თამაშის ხარისხს და შედეგს ყოველ წელს ვაუმჯობესებდით და წელს ფინალამდე დამსახურებულად მივედით. ეს ჩვენი შრომის შედეგია. ძალიან დიდი მადლობა ყველას, ვინც დღეს სტადიონზე მოვიდა და მხარი ბოლომდე დაგვიჭირა“ – გახარებული იყო ‘ჯიქის’ გარემარბი რამაზ ხარაზიშვილი.

 

 

ტოიოტას დიდი ფინალი

ჯიქი გორი 28:22 ბათუმი

ჯიქ: კიკნაძე (სვანიძე 51) ბიწაძე ჯინჯიხაძე სამხარაძე (ხუციშვილი 68) ხარაზიშვილი <10-9> ნინიძე ზაბახიძე(ბროძელი 48) / ორაგველიძე (კაკოვინი 64) მამრიკიშვილი (სუთიძე 55-75) დონაძე (გურგენაძე 64) გოგოლიძე ტრაპაიძე; შენგელია^კაპ მჭედლიშვილი სუხაშვილი (დიდებულიძე 71) * მწ პალიკო ჯიმშელაძე – 3ლ: მამრიკიშვილი ტრაპაიძე ხარაზიშვილი; 2გ 3ჯ: ხარაზიშვილი

ბთმ: კობახიძე ტრაპაიძე გოგიტიძე (ნინიძე 52) გაბროშვილი ტუჩაშვილი (ბებიაშვილი 46) <10-9> სოხაძე^კაპ (ჯაბნიძე 68) თუთბერიძე / ერისთავი მატკავა (თაგაური 62) პატარაია (ბალიაშვილი 62) ალიქაძე მიქაძე (ცხადაძე 45) კორტავა სბ 36-47 (ამირანაშვილი 48) ფუტკარაძე (კვანტიძე 64) თხილაიშვილი * მწ ირაკლი ნინიძე, დავით გუგუშვილი –  ლ გ 5ჯ: კობახიძე

რეფ მერფი [ირლ] კიდ: აბულაშვილი გვირჯიშვილი; 4-5 ლაშხია ელოშვილი; ვებ ნ.გიგინეიშვილი

0:3(9) 3:3(12) 6:3(28) 6:6(31) სბ(36ბ) 13:6(38) ნახ(40-1) /
18:6(44) 18:13(59) 21:13(62) 21:16(64) 28:16(68) 28:19(71) 28:22(79)

კვი 14/05_2017 * თბილისი, ვაკე @ 17.00

2016/17 დიდი 10-ის კიბე:

1 ჯიქი, 2 ბათუმი, 3 ლელო –
4 აკადემია, 5 ლოკომოტივი, 6 აია – 7 არმია, 8 ბაგრატი, 9 არმაზი – 10 ყოჩები
(გავარდა)

სტატ’მოწინავენი: 

ქულა: 199  ხარაზიშვილი (ჯიქ), 153  მათიაშვილი (აკდ),  143  ყიასაშვილი (ლელ),  135  ურჯუკაშვილი (არმ),  131  კობახიძე (ბთმ), 130  ბაბუნაშვილი (აია), 114  სოხაძე (ბთმ), 103  წიკლაური (ლოკ)

ლელო: 12  აბრამიძე (აია);  11  ნ.ბიწაძე (ჯიქ);  10  მამრიკიშვილი (ჯიქ); 9  ხარაზიშვილი (ჯიქ); 8  შკინინი (ლოკ); 7 ერისთავი (ბთმ), ჭეიშვილი (ლელ); 6  გიგაური (ამზ)

მსგავსი სიახლეები
რაგბი

პიცა თუ მწვადი? ჩაი თუ ყავა? – მამუკა გორგოძის პასუხები (ვიდეო)

რაგბის მსოფლიო თასის ოფიციალურმა გვერდმა საქართველოს ნაკრების მორაგბეს, მამუკა გორგოძეს რამდენიმე შეკითხვა დაუსვა. “გორგოძილას” ორიდან [&h...
წაკითხვა
რაგბი

ნაგოიაში საქართველოს ნაკრების დახვედრის ცერემონიალი გაიმართა (ფოტო)

17 სექტემბერს, საქართველოს მორაგბეთა ეროვნულმა ნაკრებმა ქალაქ ტოკუშიმადან ნაგოიაში გადაინაცვლა. “ბორჯღალოსნები” უახლოესი მატჩისათვის მზადე...
წაკითხვა
რაგბი

როგორ დახვდნენ საქართველოს მორაგბეთა ნაკრებს იაპონიაში (ვიდეო)

საქართველოს მორაგბეთა ნაკრები 9 სექტემბერს იაპონიაში ჩავიდა. “ბორჯღალოსნებს” აეროპორტში ადგილობრივი გულშემატკივრები დახვდნენ. შეგახსენებთ,...
წაკითხვა
რაგბი

მილტონ ჰეიგი: “შოტლანდიამ ფიზიკურად ვერცერთ მატჩში ვერ გვაჯობა”

საქართველოს მორაგბეთა ნაკრების მთავარმა მწვრთნელმა, მილტონ ჰეიგმა შოტლანდიასთან გამართული შეხვედრა შეაფასა. როგორც იცით, შოტლანდიამ “ბორჯღალოსნე...
წაკითხვა
რაგბი

გორგოძე: “არ ვიცი, რა გამიკეთებია ასეთი, ამდენ სითბოს და სიყვარულს რომ ვიღებ”

საქართველოს ყველა დროის მელელოვე მამუკა გორგოძე ნაკრებს დაუბრუნდა და 2019 წლის მსოფლიო თასზე ითამაშებს! 35 […]...
წაკითხვა
რაგბი

გიორგი ჩხაიძე ჰეიგს: “არ ხარ შენ კაი კაცი, მილტონ”

საქართველოს მორაგბეთა ნაკრების ყოფილი წევრი, გიორგი ჩხაიძე მერაბ კვირიკაშვილის მსოფლიო თასისათვის 31-კაციან განაცხადში არშეყვანის ამბავს […]...
წაკითხვა
რაგბი

მილტონ ჰეიგი: “მადლობა ქართველ ქომაგებს, ისინი მსოფლიოში საუკეთესოები არიან”

საქართველოს მორაგბეთა ნაკრების მთავარმა მწვრთნელმა, მილტონ ჰეიგმა ბორჯღალოსნების თავკაცის რანგში საქართველოში ბოლო მატჩი შოტლანდიის წინააღმდეგ [&helli...
წაკითხვა
რაგბი

მილტონ ჰეიგი: “შოტლანდიის ნაკრების დონის გუნდთან დაშვებული შეცდომა უფრო მეტად ფასობს

საქართველოს მორაგბეთა ნაკრების მთავარმა მწვრთნელმა, მილტონ ჰეიგმა შოტლანდიის ნაკრებთან გამართული შეხვედრის შემდეგ პრესკონფერენცია გამართა. შოტლანდიასთ...
წაკითხვა
რაგბი

მილტონ ჰეიგი: “ეს ქართული რაგბისთვის ისტორიული მოვლენაა”

31 აგვისტოს, საქართველოს მორაგბეთა ნაკრები თიბისი რაგბის სერიების მეორე მატჩში შოტლანდიას “დინამო არენაზე” დაუპირისპირდება. მატჩამდე [&hel...
წაკითხვა
რაგბი

მილტონ ჰეიგმა მამუკა გორგოძის ნაკრებში შესაძლო დაბრუნებაზე კომენტარი გააკეთა

დღეს გავრცელდა ინფორმაცია, რომ საქართველოს ნაკრებს, შესაძლოა, მსოფლიო ჩემპიონატზე მამუკა გორგოძე დაუბრუნდეს, რომელმაც სანაკრებო კარიერა […]...
წაკითხვა
რაგბი

სამწუხარო ინფორმაცია: გიორგი ცუცქირიძე მსოფლიო თასზე ვერ ითამაშებს

27 აგვისტოს, საქართველოს მორაგბეთა ეროვნულმა ნაკრებმა თიბისი რაგბის სერიების პირველ მატჩში აფრიკული “საუზერნ კინგსი” 24:20 […]...
წაკითხვა
რაგბი

“ბორჯღალოსნებმა” მსოფლიო ჩემპიონატის წინ ახალი კვართები წარადგინეს (ფოტო)

სულ უფრო და უფრო ცოტა დრო რჩება რაგბის მსოფლიო ჩემპიონატის 2019 წლის გათამაშების დაწყებამდე, რომელიც […]...
წაკითხვა
რაგბი

გოჩა სვანიძის განცხადება, რუსეთის რაგბის კავშირის მიერ გავრცელებულ განცხადებაზე

დღეს, 19 ივლისს, რუსეთის რაგბის ფედერაციამ გამოაქვეყნა განცხადება იმის შესახებ, რომ რუსეთის ნაკრები საქართველოს ნაკრების […]...
წაკითხვა
რაგბი

17 წლის ქართველი მორაგბე, რეზი თაბაგარი გარდაიცვალა

სარაგბო კლუბ “არწივების” მოთამაშე, 17 წლის რეზი თაბაგარი ავტოსაგზაო შემთხვევის შედეგად გარდაიცვალა. ეს ინფორმაცია გუშინ […]...
წაკითხვა
რაგბი

რუსულმა კლუბმა ორ ქართველ მორაგბეებს თვალის ჟესტის გამო კონტრაქტი გაუწყვიტა

რამდენიმე დღის წინ, რუსეთის სარაგბო ჩემპიონატის კლუბ “სლავას” ქართველმა მოთამაშეებმა რეზი ბროძელმა და საბა ილურიძემ […]...
წაკითხვა