გრიგოლ ვაშაძე: “250 მილიონი დაგვიჯდა 91-ე ადგილი FIFA-ს რეიტინგში”

თარიღი: სექტემბერი 9, 2021

პრეზიდენტობის ყოფილმა კანდიდატმა და “მესამე ძალის” ლიდერმა გრიგოლ ვაშაძემ ქართული ფეხბურთის დაფინანსების შესახებ მოკლედ ისაუბრა.

“პოპულისტურად თანხების დახარჯვა არავის უნდა ეპატიოს. 400 მილიონი დაიხარჯა ხვნა-თესვაში და ბოლოს რა? 250 მილიონი დაგვიჯდა 91-ე ადგილი FIFA-ს რეიტინგში და ახლა 3-0-ს აგებენ და ბოლო ადგილი ჯგუფში. რა მივიღეთ ამით?” – განაცხადა ვაშაძემ.

2018 წელს, როცა ის პრეზიდენტობის კანდიდატი იყო, შემდეგი რამ აქვს ნათქვამი: “ამას რად უნდა 265 მილიონი, კაცო? ამ აუდიტორიაში ვინც ვართ, დაგვნიშნონ მწვრთნელად და გავიყვანთ ბოლო ადგილზე გარანტირებულად. 100 ლარად თანახმა ვართ ვიმუშავოთ.

ვითომ ფეხბურთის დრო გვაქვს? თუ მაინცდამაინც სპორტში უნდა წავიდეს ეს ფული, წავიდეს ეს ფული რაგბიში, ძიუდოში და ძალოსნობაში, ვისაც საქართველოს სახელი გააქვს საზღვარგარეთ.

ეს რა აჩემებული გვაქვს, გეგონება ყიფიანი და ხურცილავა თამაშობენ ისევ. ერთხელ ინტერესის გულისთვის წავედი “დინამოს” და”ტორპედოს” მატჩზე. ამერიკაში ორი საშუალო სკოლის გუნდის შეხვედრაზე უფრო მეტი ხალხი ესწრება, ვიდრე მესხის სტადიონზე. ამაში ვიხდით ჩვენ, გადასახადის გადამხდელები ფულს”, – ვაშაძე.

ფეხბურთის განვითარების ფონდი 2016 წლიდან ფუნქციონირებს.

ზურაბ თოიძე

მსგავსი სიახლეები

გრიგოლ ვაშაძე: “250 მილიონი დაგვიჯდა 91-ე ადგილი FIFA-ს რეიტინგში”

“ჩელსი” და ობამეიანგი პირად კონტრაქტზე შეთანხმდნენ

“ბარსელონა” და ბერნარდუ სილვა შეთანხმდნენ

კეილორ ნავასი ხვიჩას თანაგუნდელი ხდება

კავანი “დორტმუნდში” მიდის

“რეალის” თავდამსხმელი “ხეტაფეში” გადავიდა

თორნიკე ოქრიაშვილმა კორეულ კლუბში სამედიცინო შემოწმება ვერ გაიარა