გრიგორჩუკი: “სხვანაირ თამაშს ველოდებოდი”
ევროპის ლიგის პირველ საკვალიფიკაციო ეტაპზე, თბილისის “დინამოსთან” ანგარიშით 2:1 დამარცხების შემდეგ, “გაბალას” მთავარმა მწვრთნელმა რომან გრიგორჩუკმა ჟურნალისტების კითხვებს უპასუხა.
“პირველ რიგში, სპორტულ ჟურნალისტებს პროფესიულ დღეს ვულოცავ. სხვანაირ თამაშს ველოდებოდი. მართალია, გუნდი შეთამაშებული არაა, მაგრამ უკეთესად გამოსვლა შესაძლებელი იყო. პირველ ოც წუთში გვიჭირდა და ვნერვიულობდით. დარწმუნებული ვარ, ამ გუნდს უკეთესად გამოსვლა შეუძლია. მნიშვნელოვანია, რომ შეთამაშების დროს ასევე ვიგებდეთ კიდეც. გოლები, კონტრშეტევებისა და ინდივიდუალური შეცდომების გამო გავუშვით. “დინამოს” კონტრ-შეტევები ათი კაცითაც კარგად გამოიყურება. გასვლაზე გოლი გავიტანეთ, მაგრამ საქმე არა ინდივიდუალურ შეცდომებში, არამედ გუნდის მიერ მთლიანად დაშვებულ შეცდომებშია. ეს შემდგომ არ უნდა განმეორდეს. მცველებს ასეთი უხეში შეცდომები არ ეპატიებათ. ვეცდებით, გაბალაში სიტუაცია გამოვასწოროთ. ის, რომ შეცდომები დავუშვით, იმას კი არ ნიშნავს, რომ ცუდი მცველები გვყავს, პირიქით, მათ შესაძლებლობებში არაერთხელ დავრწმუნდით. მცველების შეცდომები არ ნიშნავს იმას, რომ ფეხბურთელი სასტარტო შემადგენლობაში ადგილს დაკარგავს. მათ დავაყენებთ, ვინც სათამაშოდ მზად იქნება”.
