გრიზმანი: “ეს წარმატება მთლიანი გუნდის დამსახურებაა”

2016 წლის ევროპის ჩემპიონატის ნახევარფინალურ ეტაპზე საფრანგეთის ნაკრებმა გერმანია ანგარიშით 2:0 დაამარცხა და ფინალურ შეხვედრაში თამაშის უფლება მოიპოვა. ამ წარმატების შესახებ ფრანგთა ერთ-ერთმა ლიდერმა ანტუან გრიზმანმა ისაუბრა, რომელმაც დღევანდელ მატჩში ორი გოლი გაიტანა.

“ეს გამარჯვება გუნდის დამსახურებაა. მთლიანი გუნდის წყალობით გავიმარჯვეთ და გავედით ფინალში.

ჩემპიონთა ლიგის ფინალში პენალტი გავაფუჭე და ძალიან მინდოდა, რომ დღეს გამეტანა.

მიშელ პლატინის დონემდე ძალიან ბევრი მაკლია, თუმცა ვიმედოვნებ, რომ ერთ დღესაც მე მას მივუახლოვდები”, – ციტირებს გრიზმანის სიტყვებს “ბიბისი”.