გრიზმანი: “საუკეთესო სტადიონი, სადაც მითამაშია…”

გუშინ ესპანეთის ლა ლიგა სანტანდერის მეოთხე ტურის შეხვედრაში მადრიდის “ატლეტიკომ” “მალაგა” ახალ სტადიონე, “ვანდა მეტროპოლიტანოზე” მიიღო და მეტოქე ანგარიშით, 1:0 დაამარცხა. გამარჯვების გოლის გატანა 61-ე წუთზე ანტუან გრიზმანმა მოახერხა.

ფრანგმა შემტევმა ჟურნალისტებთან ისაუბრა.

“ჩვენ მოგება ძალიან გვინდოდა. აქ ხუთშაბათს ვივარჯიშეთ, თუმცა რაღაც გვაკლდა – მე-12, ანუ გულშემატკივარი. ჩვენ ისინი ძალიან გვენატრებოდა. მინდა, გითხრათ, რომ “ვანდა მეტროპოლიტანო” საუკეთესო სტადიონია, რომელზეც ოდესმე მითამაშია. ამას მხოლოდ იმიტომ არ ვამბობ, რომ ეს ჩვენი სტადიონია.”

“მინდოდა, რაც შეიძლება მალე დავხმარებოდი გუნდს. ბენდიერი, ვარ რომ “ატლეტიკოსთვის” კიდევ ერთხელ დავიხარჯე ბოლომდე და ეს შეხვედრა მოვიგეთ. ყოველ ახალ შეხვედრაში უკეთესად ვგრძნობ თავს. ამ გზით უნდა განვაგრძოთ განვითარება,” – აცხადებს ანტუანი.