გრიზმანის ტრანსფერით სამი ბრიტანული გრანდი ინტერესდება

კატალონიის “ბარსელონას” ფრანგი ვარსკვლავი, ანტუან გრიზმანი, სამი ბრიტანული გრანდის ყურადღების ცენტრში მოექცა. Daily Mail-ის ცნობით, საქმე “ლივერპულს”, “მანჩესტერ იუნაიტედსა” და “არსენალს” ეხებათ.

ინგლისური კლუბების ხელმძღვანელები აქტიურად აკვირდებიან 29 წლის ფეხბურთელის გარშემო შექმნილ ვითარებას. როგორც იცით, კოუტინიოს დაბრუნების შემდეგ გრიზმანი შიშობს, რომ სათამაშო დროის პრობლემა ექნება და მზადაა, “ბლაუგრანა” ამ მიზეზით დატოვოს.

რონალდ კუმანი “ბარსელონადან” მესის წასვლის შემთხვევაში გრიზმანს ლიდერის როლს ჰპირდებოდა, თუმცა მოვლენები სხვაგვარად განვითარდა და “ლურჯ-ბროწეულისფერთა” სადავეები კვლავაც არგენტინელი სუპერვარსკვლავის ხელში გახლავთ.

გასულ კვირას ესპანურ პრესაში გავრცელდა ხმები, რომ ბართომეუ გრიზმანის ჩართვას ჟოაო ფელიშის ტრანსფერშიც გეგმავდა.