“გრიზმანს მეტრანახევრიანი და ნახევრად აუტისტი მესის ეშინია?”

საფრანგეთის ნაკრებისა და “ბარსელონას” ყოფილმა თავდამსხმელმა, კრისტოფ დიუგარიმ კატალონიურ გუნდში ანტუან გრიზმანის პრობლემებზე ისაუბრა.

დიუგარი ფიქრობს, რომ გრიზმანის მთავარი პრობლემა ლიონელ მესია.

“ვისი ეშინია გრიზმანს? 1.50-მეტრიანი მესის, რომელიც ნახევრად აუტისტია? ხალხი მთელი წელია ამბობს, რომ ანტუანს მესისთან აქვს პრობლემა. მგონი, დროა არგენტინელს სახეში სილა გააწნას. გრიზმანი ბურთს კარგავს, რადგან შეშინებული თამაშობს. ის მესისთან უნდა მივიდეს, ესაუბროს და პრობლემა მოაგვაროს”, – ციტირებს ვეტერანი ფეხბურთელის სიტყვებს “მარკა”.

მოგვიანებით, დიუგარიმ ბოდიში მოიხადა: “ჩემი განზრახვა არ ყოფილა, რომ აუტისტი ადამიანებისათვის დამეცინა. ვწუხვარ, თუ ვინმეს შეურაცხყოფა მივაყენე.”