გურამ კაშია: ‘ამ მატჩმა აჩვენა, რამდენ რამეს ცვლის გულშემატკივარი’
საქართველოს ეროვნული ნაკრების ვიცე-კაპიტანმა გურამ კაშიამ შვედეთის ნაკრებთან გამარჯვების (2:0) შემდეგ კომენტარი გააკეთა.
ცენტრალურმა მცველმა ხაზი გაუსვა გულშემატკივრების ფაქტორს და მათ მადლობა გადაუხადა.
“დღევანდელმა მატჩმა აჩვენა თუ რამდენ რამეს ცვლის გულშემატკივარი და პირველ რიგში, მსურს მათ მადლობა გადავუხადო. ძალიან დაგვეხმარნენ, სწორედ ეს სხვაობაა ქომაგებთან და მათ გარეშე თამაშს შორის.
ვთვლი, რომ დამსახურებულად გავიმარჯვეთ. ბოლო ორი მატჩი როგორც ვითამაშეთ, მონდომებით და გამარჯვების სურვილით, სწორედ ასეთი უნდა იყოს საქართველოს ნაკრები და ასე უნდა ვთამაშობდეთ სულ. გახარებული ვარ, რომ ეს მატჩი მოვიგეთ, რადგან ეს ძალიან გვჭირდებოდა, როგორც ფეხბურთელებს, ისე მწვრთნელებს და მთელს საქართველოს. ნაჩვენები შედეგი, რა თქმა უნდა, ოპტიმიზმს აჩენს და ეს მომწონს, რადგან მე პირადად ოპტიმისტი ვარ და მუდამ მსურს წარმატებული ვიყო, წარმატებული იყოს გუნდი და ვიგებდეთ თამაშებს”, – განაცხადა კაშიამ.
Nakrebi.Ge
