გვარდიოლა: “დღეს შეგვეძლო, პრემიერ ლიგა წაგვეგო”

“მანჩესტერ სიტის” მთავარმა მწვრთნელმა, პეპ გვარდიოლამ, პრესასთან საუბრისას კიდევ ერთხელ გაუსვა ხაზი ლონდონის “ტოტენჰემთან” მოპოვებული სამი ქულის დიდ მნიშვნელობას.

“დღევანდელი გამარჯვება ძალიან მნიშვნელოვანი იყო ჩემპიონობისთვის ბრძოლაში. ქულებს ვეღარ დავკარგავთ. რთული მატჩი იყო, მათ უფრო მეტი შანსი შექმნეს ჩვენ კართან, ვიდრე ბოლო ორ შეხვედრაში.

“ტოტენჰემი” ამ მატჩში დამარცხებით არაფერს კარგავდა, ჩვენ კი შეგვეძლო, რომ პრემიერ ლიგა წაგვეგო. დარჩენილ მატჩებში ქულების მაქსიმუმი უნდა ავიღოთ, წინააღმდეგ შემთხვევაში მიზანს ვერ მივაღწევთ,” – აცხადებს გარდიოლა.

შეგახსენებთ, რომ პრემიერ ლიგის სატურნირო ცხრილის სათავეში “მანჩესტერ სიტი” იმყოფება. “ქალაქელები” ჩემპიონატის დასრულებამდე 4 ტურით ადრე 1 ქულით უსწრებენ იურგენ კლოპის “ლივერპულს”.