გვარდიოლა: “ხალხი თვლის, რომ “სიტის” მხოლოდ ფული გააჩნია და ამით აღწევს წარმატებას”

“მანჩესერ სიტის” მთავარმა მწვრთნელმა, პეპ გვარდიოლამ სატრანსფერო ფანჯრის დახურვის შემდეგ, ჟურნალისტებთან ისაუბრა.

“ზოგი თვლის, რომ ჩვენი წარმატების საიდუმლო ხოლოდ ფულია. ისინი მიიჩნევენ, “სიტის” მხოლოდ ის გააჩნია და სხვა არაფერი. არა და, ჩვენ გვაქვს განვითარების სწორი გზა, სტრუქტურა და ვნება იმისა, რომ დიდ წარმატებას მივაღწიოთ. ყველა კლუბი მუშაობს იმისთვის, რომ შემადგენლობა გაძლიერდეს. შეხედეთ ლაპორტს, ბევრი იტყვის: “ვაუ, რა ცენტრალური მცველია!” ზოგი ამბობს, რომ ის ძვირია. შეიძლება ასეცაა, შეიძლება ძალიან იაფია – ამას დრო გვიჩვენებს!”

“ვფიქრობ, სეზონის პირველი ნახევარი ერთ-ერთი საუკეთესო გამოსვლა იყო. ამაზე კარგად თამაში ძალიან რთულია. თუმცა, თუნდაც, ჩემპიონთა ლიგის პლეი-ოფში, სადაც ყველაფერი წუთებში შეიძლება, გადაწყდეს, გაცილებით დიდი ყურადღებით უნდა ვითამაშოთ,” – აცხადებს პეპი.