გვარდიოლა: “მირჩევნია, მომავალ წელს პრემიერ ლიგა მოვიგოთ და არა – ჩემპიონთა ლიგა”
პრემიერ ლიგის 2017/18 წლების სეზონი “მანჩესტერ სიტის” გამარჯვებით დასრულდა. “ქალაქელთა” ტრიუმფის ხელმძღვანელმა, პეპ გვარდიოლამ, პრესასთან საუბრისას გუნდის სამომავლო მიზნებზე ისაუბრა.
“უდიდესი შეცდომა იქნება, თუ ვიფიქრებთ, რომ რადგანაც პრემიერ ლიგა მოვიგეთ, მომავალ სეზონში ჩემპიონთა ლიგაზე უნდა გავაკეთოთ აქცენტი. უპატიებელი შეცდომა იქნება.
ჩემპიონთა ლიგიდან გამოვარდნა და პრემიერ ლიგის კიდევ ერთხელ მოგება? ამ პირობას ახლავე მოვაწერდი ხელს, თანაც დიდი სიამოვნებით. პრემიერ ლიგა ყველაზე მნიშვნელოვანი რამ არის. მირჩევნია, მომავალ წელსაც ეს ტიტული მოვიგოთ და არა ჩემპიონთა ლიგა.
პრემიერ ლიგა საუკეთესო საშუალებაა ფორმის შესანარჩუნებლად. ჩემპიონთა ლიგაზე თამაში კი სულ უფრო და უფრო რთული ხდება, იქ ბევრი კარგი კლუბი ასპარეზობს. მიუხედავად ამისა, ჩვენი პრიორიტეტი მაინც საშინაო ჩემპიონატი იქნება,” – აცხადებს გვარდიოლა.
