გვარდიოლა: “სიტი” ბევრ ფეხბურთელს არ შეიძენს”
“მანჩესტერ სიტის” მთავარი მწვრთნელი, პეპ გვარდიოლა აცხადებს, რომ მისი გუნდი მოახლოვებულ სატრანსფერო ფანჯარაზე ძალიან აქტიური არ იქნება.
“ჩვენ ბევრ ტრანსფერს არ განვახორციელებთ. შესაძლოა, ერთი ან ორი დეტალი შევცვალოთ. წინა სეზონში გუნდში დიდი და სასარგებლო ინვესტიცია ჩაიდო. ეს იმიტომ, რომ, შარშან ათი-თერთმეტი ფეხბურთელი 30 წელზე მეტის იყო და გაახალგაზრდავება გვჭირდებოდა. შესაბამისად, ახლა მხოლოდ, მცირე ცვლილებებზე ვკონცენტრირდებით.”
თუ “ქალაქელები” პრემიერ ლიგის ბოლო მატჩს “საუთჰემპტონს” მოუგებენ, მაშინ ისინი ას ქულას დააგროვებენ. ამას აქამდე ძალიან კონკურენტულ ჩემპიონატზე მონაწილე ნებისმიერ გუნდზე ძალიან ცოტა თუ იფიქრებდა.
“რა თქმა უნდა, გამარჯვებას ვეცდებით. სწორედ ასე ვითამაშეთ აქამდეც და ახლა ახალი რეკორდის დამყარება გვსურს. სწორედ რეკორდები გვმატებდნენ მოტივაციას, რომ კონცენტრაცია არ დაგვეკარგა. გვსურს, პრემიერ ლიგა მოგებით დავასრულოთ,” – ამბობს გვარდიოლა.
