ჰაკიმის ტრანსფერით ექვსი ევროპული გრანდი ინტერესდება
![](https://fanebi.com/wp-content/uploads/2020/04/3306_6yi8nh5-2-e1578335985590.jpg)
დორტმუნდის “ბორუსიაში” მოთამაშე მცველის, აშრაფ ჰაკიმის, პროდუქტიული თამაში ევროპულ გრანდებს უყურადღებოდ არ დარჩენიათ. შეგახსენებთ, რომ ეს უკანასკნელი მადრიდის “რეალის” რიგებში ირიცხება.
მადრიდის “რეალის” ხელმძღვანელებს მკაცრად აქვთ გადაწყვეტილი, რომ დორტმუნდულ კლუბს 21 წლის ფეხბურთელის შესყიდვის უფლება არ მისცენ.
Mundo Deportivo-ს ცნობით, ჰაკიმის გადაბირებით “იუვენტუსის”, “პარი სენ-ჟერმენის”, “ბაიერნის”, “ჩელსის”, “ტოტენჰემისა” და “არსენალის” უფროსები არიან დაინტერესებულები.