“ჰალ სიტის” შოთასთან ერთად საუკეთესო სატრანსფერო ფანჯარა ჰქონდა

“ჰალ სიტის” თურქი მფლობელის, აჯუნ ილიჯალისა და შოთა არველაძის მისვლის შემდეგ ბოლო წლების საუკეთესო სატრანსფერო ფანჯარა ჰქონდა.

“ჰალმა” დაიმატა “სუონსის” 24 წლის ნახევარმცველი ლიამ ვოლში, “ფენერბაჰჩედან” 20 წლის თავდამსხმელი ალაჰიარ საიადმანეში, “ბრენტფორდიდან” 22 წლის შემტევი მარკუს ფორსი. კლუბთან კონტრაქტები გაახანგრძლივეს 21 წლის ნახევარმცველმა რაიან ლოგნმენმა, რომელიც “ბრაიტონიდან” 700 ათასად გამოისყიდეს და 22 წლის რეგან სლეიტერმა.

რაც მთავარია, გუნდში რჩება ინგლისის ამომავალი ვარსკვლავი, კინ ლუის პოტერი, რომლის სანაცვლოდაც პრემიერ ლიგის კლუბები 10 მილიონზე მეტს იხდიდნენ.

2 წლის წინ სატრანსფერო ფანჯრის ბოლო დღეს წინა მფლობელებმა ჯეროდ ბოუენი და კამილ გროსიცკი გაყიდეს, რაც “ჰალის” გავარდნად დაუჯდა. დღეს აჯუნმა პოტერი “სიტიში” მინიმუმ სეზონის ბოლომდე დატოვა.