ჰამშიკმა “იუვენტუსში” გადასვლაზე უარი თქვა

სლოვაკეთის ეროვნული ნაკრების ფეხბურთელს სამუშაო ადგილის შეცვლა არ უნდა.

მოგეხსენებათ, გასული ზაფხულის სატრანსფერო ფანჯრის პერიოდში “იუვენტუსის” ხელმძღვანელობას მარეკ ჰამშიკის გადაბირება სურდა. ტურინელებმა მის სანაცვლოდ ნეაპოლიტანელებს 25 მილიონი ევრო შესთავაზა. თუმცა, იტალიის მოქმედ ჩემპიონთა შემადგენლობაში გადასვლაზე უარი თავად ფეხბურთელმა თქვა.

“იუვენტუსის” ინტერესის შესახებ ვიცოდი. ისიც ვიცოდი, რომ ოფიციალური შემოთავაზებაც გააკეთეს, მაგრამ არ დავთანმხდი”, – განაცხადა 28 წლის შემტევმა ნახევარმცველმა.

ამის შემდეგ “ბებერი ქალბატონი” სხვა ვარიანტის ძებნას შეუდგა და საბოლოოდ, სატრანსფერო ფანჯრის დედლაინზე, მათ “ინტერიდან” ერნანესი 11 მილიონი ევროს სანაცვლოდ შეიძინეს.