ჰარგრივზი: “ბოატენგი “ბაიერნის” სუსტი წერტილია, სანჩესის წინააღმდეგ ძალიან გაუჭირდება”

მიუნხენის “ბაიერნის”, “მანჩესტერ იუნაიტედისა” და “მანჩესტერ სიტის” ექს-ნახევარმცველი, ოუენ ჰარგრივზი თვლის, რომ ბავარიელებს დაცვის ხაზში პრობლემები აქვთ, რაც “არსენალის” წისქვილზე ასხამს წყალს, რომელიც გერმანელებს ჩემპიონთა ლიგის 1/16-ფინალში უნდა დაუპირისპირდეს.

“ახალ სეზონში ბოატენგს ძალიან უჭირს, არადა ის გასულ სეზონში ბუნდესლიგის საუკეთესო ფეხბურთელი იყო.” – განაცხადა ოუენმა BT Sport-თან საუბრისას.

“ბაიერნის” დაცვის ხაზში გარკვეული სახის პრობლემებია.

ვშიშობ, რომ ჰუმელსი და ბოატენგი სანჩესს ვერ გაუმკლავდებიან. ასე თუ გაგრძელდა, სანჩესი მათ ყოველ მატჩში გაუტანს გოლს.

და თუ “არსენალი” მიუნხენში გოლის გატანას მოახერხებს, მაშინ ყველაფერი კითხვის ნიშნის ქვეშ დადგება.” – განაცხადა მან.