ჰარი კეინი: “ტოტენჰემს” პრემიერ ლიგის მოგება შეუძლია”
ლონდონის “ტოტენჰემი” პრემიერ ლიგაში მე-2 ადგილს იკავებს და 7 ქულით ჩამორჩება ლიდერ “ჩელსის”. “სპურსებმა” ბოლო ტურში “უაით ჰართ ლეინზე” “ვესტ ბრომვიჩი” მიიღეს და მეტოქე, ანგარიშით,4-0 გაანადგურეს.
ინგლისური კლუბის ლიდერმა, ჰარი კეინმა ზემოთ ნახსენებ შეხვედრაში ჰეთრიკი შეასრულა. მან მიმდინარე სეზონში პრემიერ ლიგის მოგების შესაძლო მოგებაზე ჟურნალისტებთან ისაუბრა.
“ვფიქრობ, ამ სეზონში ინგლისის ჩემპიონატის მოგება გვძალუძს. შარშან ამ მიზანთან ძალიან ახლოს ვიყავით, თუმცა მას ვერ მივაღწიეთ. თუმცა, გასული წელი შესანიშნავი გამოციდლება იყო ჩვენთვის.”
“გუნდი გაიზარდა და უფრო გამოცდილია. ჩვენი თავის გვჯერა და გვაქვს ერთი მიზანი. აქედან გამომდინარე, ვერ ვხვდები, რამ უნდა შეგვიშალოს ხელი პრემიერ ლიგის მოგებაში.:
“ჩელსი” სხვა გუნდებს ძალიან მოსწყდა. ამიტომ, ლონდონელებთან თამაშის წინ ვიცოდით, რომ, თუ რამის მიღწევა გვინდოდა, მათი დამარცხება მოგვიწევდა. ასეც მოვიქეცით, რამაც თავდაჯერებულობა უფრო შეგვმატა,” – განაცხადა კეინმა.
