“ჰერტა” – “ლივერპული”: “ლივერპულმა” კოუტინიოს კაპიტნობით მოიგო (ვიდეო)

გერმანიაში ჩასულმა იურგენ კლოპმა შეკრება პოზიტიურად დაიწყო – “ლივერპულელებმა” პირველ მატჩში ბერლინის “ჰერტას” დამარცხება შეძლეს, რომელმაც გასული სეზონი საკმაოდ კარგად განვლო და ბუნდესლიგაში მეექვსე ადგილზეც გავიდა.

ანგარიში ინგლისელებმა მატჩის დაწყებიდან 15 წუთის გასვლის შემდეგ გახსნეს, თავი “წითლების” ახალწვეულმა, სოლანკემ გამოიჩინა. კიდევ ამდენი დრო დასჭირდათ იურგენი ბიჭებს ანგარიშის სხვაობის ორამდე გასაზრდელად, ამჯერად მეტოქის კარი ვეინალდუმმა დალაშქრა. მეორე ტაიმში, 62 წუთზე თავისი გოლი მუჰამედ სალაჰმაც გაიტანა და საბოლოო ანგარიშიც დააფიქსირა.

საბოლოო ჯამში, შეიძლება ითქვას, რომ კლოპის პირველი გერმანული ტესტი საკმაოდ შედეგიანი აღმოჩნდა, რამეთუ იურგენმა ყველა სასურველი ფეხბურთელი გამოცადა და ამ ფეხბურთელებმა შეძლებისდაგვარად გაუმართლეს კიდეც იმედები მას.

აღსანიშნავია ისიც, რომ ამ მატჩში კაპიტნის სამკლაური ინგლისელთა ბრაზილიელ ლიდერს, ფილიპე კოუტინიოს ეკეთა, რომელსაც “ბარსელონაში” გადასვლას უწინასწარმეტყველებენ.

შემდეგ მატჩს “ლივერპული” “ბაიერნის” წინააღმდეგ, 1 აგვისტოს გამართავს.