ჰიდინკი: ” პარიზელებთან მატჩში აზარმა უნდა გვაჩვენოს, თუ რა შეუძლია”

ლონდონის “ჩელსის” მთავარი მწვრთნელი, გუს ჰიდინკი თვლის, რომ “პარის სენ-ჟერმენთან” გასამართი მატჩი საუკეთესო საშუალებაა ედენ აზარისთვის, რათა საკუთარი შესაძლებლობები მაქსიმალურად წარმოაჩინოს.

“პარიზში თამაშის დროს მას გარკვეული პრობლემები ჰქონდა, ის ლაზარეთიდან ახალი დაბრუნებული იყო, ამიტომაც თავის წარმოჩენა ბოლომდე ვერ მოახერხა. მაშინ ჩვენ მას მატჩის ბედის გადაწყვეტას ვერ მოვთხოვდით.

თუმცა იმ მატჩშიც, მან 3-4 ძველი აზარის მოძრაობა გააკეთა. დღეს კი მას საუკეთესო შესაძლებლობა ეძლევა გვაჩვენოს, თუ რისი ძალა შესწევს.” – განაცხადა ჰიდინკმა, რომელიც სეზონის ბოლოს კლუბს დატოვებს.

შეგახსენებთ, რომ საუბარი ჩემპიონთა ლიგის 1/8-ფინალური ეტაპის განმეორებით მატჩს ეხება. პირველი მატჩი პარიზში “პსჟ-ს” გმარჯვებით, 2-1 დასრულდა.