ჰოჯსონი: „ვნანობ თუ არა? დარწმუნებული ვარ, ყველაფერი სწორად გავაკეთე“

ინგლისის ნაკრების მთავარმა მწვრთნელმა როი ჰოჯსონმა მიმდინარე მსოფლიო ჩემპიონატზე თავისი გუნდის გამოსვლაზე ისაუბრა.

„რომელიმე მიღებულ გადაწყვეტილებას ვნანობ თუ არა? არა. დარწმუნებული ვარ, ყველაფერი სწორად გავაკეთე.

დარწმუნებული მომავალში გუნდის წარმატებულ თამაშშიც ვარ. ჩვენ კარგი ახალგაზრდა ფეხბურთელები გვყავს.

გუნდი პროგრესირებს. რა თქმა უნდა, პროგრესს გავაგრძელებთ. არამგონია, რომ მომავალში ამჟამინდელი მოთამაშეების წარმატებაში ეჭვის შეტანა ღირდეს.

ნაჩვენები შედეგით, ისევე როგორც ფეხბურთელებს, გული დამწყდა. ჩვენ ბევრს ველოდით და გვეგონა, რომ თავს გამოვიჩენდით.

სასურველი შედეგის მისაღწევად მოგებაა საჭირო, თუმცა ჩვენ პირველ ორ შეხვედრაში დავმარცხდით“, – განაცხადა ჰოჯსონმა.