იაია ტურე: “შესაძლოა, მსაჯების გარეშე თამაში უკეთესი იყოს”

“მანჩესტერ სიტის” ნახევარმცველმა, იაია ტურემ კიდევ ერთხელ გაუსვა ხაზი მსაჯების მიერ ინგლისის თასის ნახევარფინალში დაშვებულ შეცდომას (როდესაც “ქალაქელებს” გოლი არ ჩაუთვალეს) და აღნიშნა, რომ ასეთ მსაჯობას, ჯობს ფეხბურთელებმა მათ გარეშე ითამაშონ.

“მსაჯებმა ეს უნდა შეწყვიტონ. ძალიან იმედგაცრუებული ვარ. ეს პირველი შემთხვევა არ არის, ასეთი რამ ადრეც არაერთხელ მოხდა.

შეიძლება, ხუთშაბათს უკეთესი მსაჯი შეგვხდეს, ან საერთოდ მსაჯების გარეშე ვითამაშოთ – პირადად მე ნამდვილად ამ ვარიანტს ვამჯობინებ.

დერბი უდიდესი რამ არის. ჩვენ სასურველი შედეგის მისაღწევად ყველაფერს გავაკეთებთ. იმედი მაქვს, რომ კარგი მსაჯი შეგვხვდება,” – აცხადებს აფრიკელი ფეხბურთელი.