იან რაიტი: “მატიჩი “არსენალს” უნდა ეყიდა”
ლონდონის “არსენალის” ლეგენდამ, იან რაიტმა კლუბის სატრანსფერო პოლიტიკა გააკრიტიკა და “მეთოფეებს” ვან დეიკის გადაბირებისკენაც მოუწოდა.
“როგორც ყოველთვის, “არსენალი” ვერ ახერხებს იმ ფეხბურთელის დამატებას, რომლებსაც ხალხი ამდენი ხნის მანძილზე ითხოვს. რაღაც მომენტში მათ ძალიან დასჭირდებათ ეს ფეხბურთელები და სირთულეები სწორედ მაშინ წარმოაჩენენ თავს.
სეზონის სტარტზე “ლესტერის”, “სტოკისა” და “ლივერპულის” წინააღმდეგ მოგვიწევს. წინასასეზონო მატჩები კი ფანტასტიკურად ნამდვილად არ ჩაგვიტარებია, გაძლიერება გვჭირდება.
მე რომ მათ ადგილას ვიყო, ყველაფერს გავაკეთებდი ვან დეიკის გადასაბირებლად.
რაც შეეხება ნემანია მატიჩს, ეს ფეხბურთელი ყველანაირად იყო მორგებული ლონდონს, რატომ უნდა წასულიყო “მანჩესტერ იუნაიტედში”, როდესაც “არსენალს” შეეძლო ლონდონში დაეტოვებინა,” – აცხადებს რაიტი.
