იანსენი: “მექსიკის ჩემპიონატი ჰოლანდიის ერედივიზიონზე უკეთესია”

“მონტერეის” თავდამსხმელმა, ვინსენტ იანსენმა, მექსიკისა და ჰოლანდიის ჩემპიონატები ერთმანეთს შეადარა. შეგახსენებთ, რომ იანსენი “ტოტენჰემიდან” მექსიკურ კლუბში 2019 წელს გადაბარგდა.

“22 წლის ფეხბურთელისთვის “ალკმაარიდან” “ტოტენჰემში” გადასვლა საკმაოდ დიდი წინსვლაა. თუმცა ლონდონში მოვლენები ისე არ წარიმართა, როგორც მინდოდა. პოტენციალი ვერ გამოვიყენე.

მექსიკის ლიგის სტანდარტები საკმაოდ მაღალია. ეს ჩემპიონატი ჰოლანდიის ერედივიზიონზე უკეთესია. ეს ჩემი მოსაზრებაა. აქ ბევრი უცხოელი მოთამაშე გვყავს, რომელთაგან მხოლოდ ორნი ვართ ევროპელები.

აქ სრულად განსხვავებული სტილია და ხარისხიც მაღალია. ჩვენ გუნდში, მაგალითად, კოლუმბიის, არგენტინისა და მექსიკის ნაკრების ფეხბურთელები თამაშობენ,” – აცხადებს იანსენი.