იარაბეკი: “ხვალ დღესასწაული გვექნება”
თბილისის “დინამოს” მთავარმა მწვრთნელმა, იურაი იარაბეკმა ზაგრების “დინამოსთან” გასამართი შეხვედრის წინა დღეს ჟურნალისტების კითხვებს უპასუხა.
“ვფიქრობ, რომ ხვალ დღესასწაული გვექნება, რადგან ამის კარგი შანსი გვაქვს. მეტოქეს ინდივიდუალურად კარგი მოთამაშეები ჰყავს. წინა მატჩი კარგად ჩავატარეთ, თუმცა 3-წუთიან მონაკვეთში ორი გოლი გავუშვით. რა თქმა უნდა, ორბურთიანი სხვაობა ცუდია, მაგრამ შევეცდებით, გარგად ვითამაშოთ. ასევე, გულშემატკივრების დიდი იმედი გვაქვს.
გიორგი ქვილითაიას ტრავმა აქვს, ამიტომ ის ხვალ თამაშს ვერ შეძლებს. შემიძლია, გითხრათ, რომ ის ვენის “რაპიდში” სამედიცინო შემოწმებას მალე გაივლის.
პირველ შეხვედრაში ჩვენი მთავარი მიზანიგოლის არგაშვება იყო, რაც არ გამოგვივიდა. ხვალ იმაზე მეტად აქტიურები ვიქნებით, ვიდრე ზაგრებში ვიყავით, შემტევ ფეხბურთს ვითამაშებთ.
ზაგრების “დინამოს” მაღალი დონის ფეხბურთელები ჰყავს, თუმცა ჩვენ მათთან სათამაშოდ მზად ვართ. მთავარია, რომ ჩვენ აგრესიულად ვითამაშოთ.
ამ ეტაპზე, ჩვენი მაქსიმუმი ხვალინდელ მატჩში გამარჯვებაა. თუ ეს არ გამოგვივა, შევეცდებით, წარმატებას ევროპის ლიგის ფლეი-ოფში მივაღწიოთ.”
