იბრაჰიმოვიჩი “აიაქსის” დირექტორობაზე: “იქ მყოფებზე უკეთ შევასრულებ სამუშაოს”

“ლოს ანჯელეს გალაქსის” შვედმა სუპერვარსკვლავმა, ზლატან იბრაჰიმოვიჩმა, აღიარა, რომ საფეხბურთო კარიერის დასრულების შემდეგ სპორტული მენეჯმენტის განხრით აპირებს მუშაობას.

“როგორც წესი, ყოფილ კლუბებში არ ვბრუნდები ხოლმე, მაგრამ, შესაძლოა, კარიერის დასრულების შემდეგ “აიაქსის” დირექტორი გავხდე. ამ შემთხვევაში, იქ მყოფებზე უკეთ მაინც შევასრულება სამუშაოს.

“აიაქსი” კვლავ ჩემი საყვარელი ჰოლანდიური კლუბია და ვამაყობ, რომ მისი ნაწილი ვიყავი. ვამაყობ, როდესაც “აიაქსი” ევროპაში ასე კარგად წარმოაჩენს ხოლმე თავს.

გასულ სეზონში ამ კლუბმა ის შეძლო, რასაც ვერავინ წარმოიდგენდა. გარდა ამისა, “აიაქსი” ისეთ ფეხბურთელებს ზრდის, რომლებიც შემდგომში მსოფლიოს იპყრობენ. ძალიან სასიამოვნოა,” – აცხადებს იბრაჰიმოვიჩი.