იბრაჰიმოვიჩი პოგბაზე: “რთულია კარგად ითამაშო, როდესაც მწვრთნელი არ გენდობა”
“მანჩესტერ იუნაიტედის” ყოფილმა და “ლოს-ანჯელეს გალაქსის” ამჟამინდელმა ვარსკვლავმა, ზლატან იბრაჰიმოვიჩმა, პოლ პოგბასა და ჟოზე მოურინიოს შორის არსებული უთანხმოების თავისებურებებზე ისაუბრა.
“რა თქმა უნდა, ჟოზე მოურინიოს თავისი იდეალები გააჩნია, ის ნამდვილი ტაქტიკოსია. თუმცა არიან ფეხბურთელები, რომლებიც ამ ზღვარს სცილდებიან და შენც ამის უფლება უნდა მისცა, წინააღმდეგ შემთხვევაში ვერ წარმოაჩენენ საკუთარ თავს. პოგბა ერთ-ერთი მათგანია.
პოლი ვერ გრძნობდა ნდობას მწვრთნელის მხრიდან და ასეთივე სიტუაციაში იყო გუნდის თავკაციც. რთულია კარგად ითამაშო, როდესაც მწვრთნელი არ გენდობა. მოტივაციის არსებობის გარეშე წარმატების მიღწევა შეუძლებელია.
ასეთი რაღაცებიც ხდება ხოლმე და ესეც თამაშის ნაწილია. ყველა ვერ შეეწყობა ერთმანეთს და ბოლოს საქმე იმ დონემდე მიდის, როდესაც კლუბი ერთ-ერთმა უნდა დატოვოს. მწვრთნელი წავიდა და ახლა პოგბა უფრო თავისუფალია,” – აცხადებს იბრაჰიმოვიჩი.
