იბრაჰიმოვიჩი: “შეიძლება, MLS-მა დამსაჯოს, მაგრამ არ ინერვიულოთ, მე თავად ვარ MLS”
“ლოს ანჯელეს გალაქსის” თავდამსხმელმა, ზლატან იბრაჰიმოვიჩმა “ჰიუსტონ დინამოსთან” მოგებული მატჩის შემდეგ ვიდოერეფერი გააკრიტიკა და თავის სტილში სახალისო კომენტარიც გააკეთა.
თბილისის დროით, 20 მარტს, “ლოს ანჯელეს გალაქსიმ” “ჰიუსტონ დინამო” 2:1 დაამარცხა. სტუმრებმა ერთადერთი გოლი 53-ე წუთზე თერთმეტმეტრიანი დარტყმით გაიტანეს. აღსანიშნავია, რომ თამაშის წესების დარღვევა საჯარიმოში არ ყოფილა, მაგრამ არბიტრმა თერთმეტმეტრიანი დანისნა. ზლატანის გაღიზიანება იმან გამოიწვია, რომ ამ შემთხვევაში ვიდეორეფერი არ გამოიყენეს.
“ისევ ვიდეორეფერიზე უნდა ვისაუბროთ. ადრეც ვთქვი, რომ შესაძლოა, მსაჯმა შეცდომა დაუშვას. თუმცა, ადამიანი, რომელიც მაღლა ზის და ეპიზოდის გამეორებას უყურებს, მან მთავარ არბიტრს უნდა შეატყობინოს. ის ზის და ყავას მიირთმევს. შესაძლოა, MLS-მა ვიდეორეფერის კრიტიკის გამო დამსაჯოს, მაგრამ მე თავად ვარ MLS, ამიტომ არ ინერვიულოთ”, – თქვა ზლატანმა.
