იბრაჰიმოვიჩი: „ტიტულის მოპოვებამდე კიდევ ერთი მატჩის ჩატარებაა საჭირო“

წუხელ, საფრანგეთის ლიგის თასის ნახევარფინალური მატჩი შედგა, რომელშიც „პარი სენ-ჟერმენმა“ სტუმრად „ნანტი“ ანგარიშით 2:1 დაამარცხა და ფინალში გავიდა. პარიზელთაგან ორივე გოლი ზლატან იბრაჰიმოვიჩის ანგარიშზეა. შვედი ფორვარდი თვლის, რომ დიდი სიხარული არ ღირს, რადგან გუნდს თასი ჯერ არ მოუპოვებია.

„ბედნიერები ვართ, რომ გამარჯვებას მივაღწიეთ. ფინალში გავედით და მიმდინარე სეზონში დასახულ ერთ-ერთ მიზანს კიდევ უფრო მივუახლოვდით, თუმცა ჯერ არაფერი დასრულებულა. ტიტულის მოსაგებად კიდევ ერთი მატჩის ჩატარებაა საჭირო“, – იბრაჰიმოვიჩის სიტყვებს Goal.com-ი ციტირებს.

აქვე შეგახსენებთ, რომ დღეს ტურნირის მეორე ნახევარფინალური შეხვედრა შედგება: „ლიონი“ „ტრუას“ დაუხვდება. მატჩი თბილისის დროით 23:55 საათზე დაიწყება.

ბექა დოგრაშვილი