იგუაინი: „ბორუსია“ დავამარცხეთ, ახლა „მილანის“ ჯერია“

„ნაპოლის“ თავდამსხმელი გონსალო იგუაინი აცხადებს, რომ იტალიის სერია A-ს მე-4 ტურში, „მილანის“ წინააღმდეგ გასამართი მატჩისთვის ნეაპოლური კლუბი კარგ ფორმაშია. შეგახსენებთ, რომ ჩემპიონთა ლიგის ჯგუფური ეტაპის პირველ ტურში რაფაელ ბენიტესის გუნდმა შინ დორტმუნდის „ბორუსია“ ანგარიშით 2:1 დაამარცხა.

„ნაპოლი“ კარგ ფორმაშია“. მოხარული ვარ, რომ გავიმარჯვეთ. გუშინ ძალიან რთულ მეტოქეს ვძლიეთ, ახლა კი „მილანის“ ჯერია“, – აღნიშნა იგუაინმა, რომელმაც გუშინდელ შეხვედრაში „ბორუსიას“ პირველი გოლი გაუტანა.

ცნობისთვის, „მილანსა“ და „ნაპოლის“ შორის მატჩი 22 სექტემბერს გაიმართება.

ბექა დოგრაშვილი