იგუაინის მამა: “ყველაფერი ფლორენტინო პერესის ბრალია”
გონსალო იგუაინის მამა, ხორხე იგუაინი, პრესასთან საუბრისას საკმაოდ საინტერესო განცხადებას აკეთებს, რომლის მიხედვითაც, თავის შვილს “რეალის” დატოვებისკენ ფლორენტინო პერესმა უბიძგა.
“ძალიან მტკივენული იყო ის დრო, თუ როგორ დაატოვებინეს იგუაინს კლუბი. ეს ყველაფერი კი პერესის ბრალია, მას პიროვნულად არ მოსწონდა გონსალო,” – აცხადებს არგენტინელი ფეხბურთელის მამა.
“ვფიქრობ, რომ “რეალი” ბენზემას, რონალდუსა და იგუაინის შემტევი ტრიოს საშუალებით უფრო დიდ წარმატებებს მიაღწევდა. თავდაპირველად, როდესაც ეს ტრიო შეიქმნა, ერთ-ერთი საუკეთესო იყო მსოფლიოში. გონსალოს შეეძლო, უფრო მეტ ხანს დარჩენილიყო მადრიდში.
ხშირად ჟურნალისტები ძალიან დიდ გავლენას ახდენენ ფეხბურთელების მომავალზე. მართალია, ისინი ერთხელაც არ შეხებიან ბურთს, მაგრამ დასკვნების გამოტანა უყვართ.
მესისაც კი აკრიტიკებენ. არგენტინა კარგი ქვეყანაა, მაგრამ უსამართლობა ყველგანაა – მთავრობაშიც და საავადმყოფოებშიც. თუ ფეხბურთელს სეზონი ჩაუვარდება, ქვეყნის აღსასრულად თვლიან,” – დაამატა ხორხე იგუაინმა.
