იგუაინმა სერია A-ში რეკორდი დაამყარა (ვიდეო)
თარიღი: მარტი 1, 2016
იტალიის სერია A-ს 27-ე ტურის დასკვნითი მატჩი “სტადიო არტემიო ფრანკიზე” შედგა, სადაც “ფიორენტინამ” “ნაპოლი” მიიღო. შეხვედრა ფრედ, ანგარიშით 1:1 დასრულდა.
შეხვედრაში ანგარიში მე-6 წუთზე “ვიოლას” მცველმა მარკოს ალონსომ გახსნა, თუმცა ნეაპოლიტანელთა თავდამსხმელ გონსალო იგუაინს წონასწორობის აღსადგენად მხოლოდ 67 წამი დასჭირდა. არგენტინელმა ფეხბურთელმა ჩემპიონატის ისტორიაში ყველაზე სწრაფი საპასუხო გოლი გაიტანა.
“ნაპოლის” 58 ქულა აქვს, სატურნირო ცხრილში მეორე პოზიცია უკავია და ლიდერ ტურინის “იუვენტუსს” 3 ქულით ჩამორჩება. “ფიორენტინა” 53 ქულით მეოთხე ადგილზეა.
იტალიის სერია A
27-ე ტური
“ფიორენტინა” — “ნაპოლი” 1:1 (1:1)
გოლები: მარკოს ალონსო 6′ — იგუაინი 7′.
გაფრთხილება: ალბიოლი 53′.
მსგავსი სიახლეები