იკერ კასილასის მეუღლე, სარა კარბონერო, სიმსივნეს ებრძვის
ლეგენდარული ესპანელი მეკარის, იკერ კასილასის, მეუღლე სამწუხარო ინფორმაციას ავრცელებს. როგორც ცნობილი ხდება, სარა კარბონერო საკვერცხის სიმსივნეს ებრძვის.
სამი კვირა გავიდა მას შემდეგ, რაც იკერ კასილასმა უმძიმესი გულის შეტევა გადაიტანა და ახლა ცხადდება, რომ მისი მეუღლის სიცოცხლეს დიდი საფრთხე ემუქრება.
“როდესაც ჯერ კიდევ არ გვქონდე მონელებული ერთი შოკი, ცხოვრებამ კიდევ ერთი სიურპრიზი მოგვიმზადა. ამჯერად, საქმე მე მეხება. ძალიან მიჭირს ამ სიტყვის დაწერა.
რამდენიმე დღის წინ, სამედიცინო გამოკვლევის შემდეგ ექიმებმა საკვერცხის სიმსივნის დიაგნოზი დამისვეს და ოპერაციაც ჩამიტარდა. საბედნიეროდ, დროზე აღმოვაჩინეთ და შესაბამისი რეაგირებაც მოვახდინეთ.
თავს მშვიდად ვგრძნობ, თავდაჯერებული ვარ. რამდენიმე თვის მანძილზე მომიწევს ამ დაავადებასთან ბრძოლა, მაგრამ იმედი მაქვს, რომ ყველაფერს ბედნიერი დასასრული ექნება,” – აცხადებს სარა კარბონერო.
