ილია თოფურია: “მინდა მადლობა გადავუხადო ყველას, ვისაც ვუყვარვარ და გვერდში მიდგას”
UFC-ის ქართველმა მებრძოლმა, ილია თოფურიამ სოციალურ ქსელში განცხადება გამოაქვეყნა.
როგორც იცით, 23 იანვარს თოფურიას რუსეთის წარმომადგენელ მოვსარ ევლოევთან უნდა ებრძოლა, თუმცა მისი მეტოქე შეხვედრიდან ჩაიხსნა. ამის შემდეგ, ილიასთან დაპირისპირების სურვილი შარლ ჟურნდენმა გამოთქვა, თუმცა ეს შეხვედრაც არ შედგა. ამ შემთხვევაში, ქართველს წონის კლების შეწყვეტა მოსთხოვეს.
“ამდენი თვის ძალისხმევისა და თავგანწირვის შემდეგ, ბედმა გადაწყვიტა, რომ ამ “ქარდზე” არ მებრძოლა. წუხელ, წონის დაკლების შუა პროცესში, კალიფორნიის კომისიის ექიმები იძულებულნი გახდნენ გაეუქმებინათ ბრძოლა, რის გამოც ოფიციალურ დასაშვებ წონას სულ რაღაც ხუთი ფუნტი დააკლდა.
საბედნიეროდ, ახლა კარგად ვარ. გამოვედი საავადმყოფოდან, დავისვენე, აღვიდგინე ძალები და ჩემს გუნდთან ერთად გავაანალიზე სიტუაცია სამომავლო დასკვნების გამოსატანად.
მინდა მადლობა გადავუხადო ყველას, ვისაც ვუყვარვარ და გვერდში მიდგას რთულ პერიოდში.
განსაკუთრებული მადლობა მინდა ვუთხრა ჩემ ქართველ გულშემატკივრებს. თქვენი მხარდაჭერა ყველაზე დიდი მოტივაციაა ჩემთვის.
მე ძალიან მალე დავბრუნდები უფრო ძლიერი ვიდრე ოდესმე და აუცილებლად გავამართლებ თქვენს მოლოდინს!
და ბოლოს, მინდა მადლობა გადავუხადო შარლ ჟურდენს მოკლე ვადაში ბრძოლაზე დათანხმებისთვის. შენ ნამდვილი მეომარი ხარ.
შეხვედრამდე”, – ვკითხულობთ განცხადებაში.
