იმობილე: “ინძაგი სრულყოფილი ევროპელი მწვრთნელია”

რომის “ლაციოს” ლიდერმა, ჩირო იმობილემ, გუნდის მთავარ მწვრთნელ ფილიპო ინძაგიზე ისაუბრა. სეზონის დასაწყისში ინძაგიმ იმობილე შეცვალა, რის შემდეგაც იტალიელმა თავდამსხმელმა განრისხება ვერ დამალა. ამის გამო მწვრთნელმა იმობილე მეორე მატჩის სასტარტო შემადგენლობაში არ დააყენა.

“დაუფიქრებლად მოვიქეცი, მალევე მივხვდი, რომ შეცდომა დავუშვი. ვიცოდი, რომ ის მაპატიებდა, მაგრამ ხალხის თვალწინ ეს არ უნდა გამეკეთებინა.

ინძაგი სიტუაციას მშვენივრად გაუმკლავდა, სწორად მოიქცა, როდესაც “ინტერთან” სათადარიგოთა სკამზე დამსვა. ბევრი საუბრის შემდეგ ჩვენ ყველაფერი მოვაგვარეთ.

ინძაგი ძალიან ჰგავს კლოპს, ორივე მათგანის ძლიერი მხარე ფეხბურთელებისთვის უდიდესი მოტივაციის მიცემაა. ინძაგი სრულყოფილი ევროპელი მწვრთნელია, რომლის ხელმძღვანელობითაც საუკეთესო ფორმაში შევედი,” – აცხადებს იმობილე.