ინგლისელები კომაში მყოფი გულშემატკივრისთვის 10, 000 ფუნტს აგროვებენ
ფანდრაიზინგულმა გვერდმა, “JustGiving-მა” გადაწყვიტა 10, 000 ფუნტი შეეგროვებინა კომაში მყოფი ინგლისელი გულშემატკივრისათვის, რომელიც რუსი ჰულიგნების შეტევის საგანი გახდა. ამ დროისთვის უკვე შეგროვებულია თანხის ნახევარზე მეტი.
პორტსმუტელი გულშემატკივარი, ენდრიუ ბეიქი, როგორიც ცნობილია, როგორც პეპე, კრიტიკულ მდგომარეობაში იმყოფება. ის ამჟამად საფრანგეთში მდებარე მთავარ საავადმყოფოშია გადაყვანილი. პეპე რუსმა გულშემატკივრებმა რკინის ხელკეტებით, მარსელში, რუსეთისა და ინგლისის მატჩის დაწყებამდე დააზიანეს.
პეპესთვის დახმარების გაწევის სურვილი მის მეგობარს, ჰემპშაირს გაუჩნდა, რომელმაც ფანდრაიზინგული კამპანია წამოიწყო სოციალური მედიის მეშვეობით. გარდა ამისა ადგილობრივი კლუბი სპეციალურ საღამოს ღონისძიებას ჩაატარებს შაბათს მის დასახმარებლად.
მისმა ძმამ Facebook-ზე დაწერა: “ახლახან დამიკავშირდნენ საავადმყოფოდან და მაცნობეს, რომ პეპეს სიცოცხლეს საფრთხე აღარ ემუქრება, მაგრამ მიღებულმა დაზიანებებმა შესაძლოა მისი ცხოვრება სამუდამოდ შეცვალოს.
ის ჯერ კიდევ რთულ სიტუაციაშია და ჯერ კიდევ არაფერია გარკვეული და ასე იქნება მანამ, სანამ ის კომიდან არ გამოვა.
პოლიციის ოფიცერმა მითხრა, რომ ამ თავდასხმის ბრწყინვალე მასალა არსებობს და რომ მათ უკვა ამოიცნეს თავდამსხმელები და გადასცეს მათი ფოტოები ფრანგ სამართალდამცავებს.”
*ფანდრაიზინგი – ორგანიზებული საქმიანობა თანხის მოზიდვის მიზნით საქველმოქმედო და პოლიტიკურ ორგანიზაციებში.
