ინგლისი: 30-ე ტურის მიმოხილვა

Fanebi.com წარმოგიდგენთ ინგლისური პრემიერ ლიგის 30-ე ტურის მიმოხილვას. 

ნიუკასლი – არსენალი

პრემიერლიგის ამ ეტპაზე საუკეთესო ფეხბურთს ალბათ ლონდონის “არსენალი” თამაშობს, რაც ვენგერის შეგირდებმა კიდევ ერთხელ დაამტკიცეს. ნიუკასლში გამართული მატჩი მათი სრული უპირატესობით დაიწყო და პირველივე ნახევარში “მეთოფეთა” დომინირება ანგარიშზე აისახა. ლონდონელთა ფრანგმა შემტევმა, ოლივიე ჟირუმ 24-ე და 28-ე წუთზე გატანილო გოლებით საკუთარ გუნდს ტაიმი დამაჯერებლად მოაგებინა.

შესვენების შემდეგ ზუსტად 3 წუთში “ნიუკასლმა” სისოკოს ძალისხმევით შეამცირა სხვაობა, თუმცა მასპნიძლებმა მეტის გაკეთება ვეღარ შეძლეს და შეხვედრას ვენგერის გუნდის მოსალოდნელი გამარჯვებით დასრულდა.

ჰალი – ჩელსი

წინა ტურში დაკარგული ქულების შემდეგ გამარჯვება გათამაშების ლიდერმაც მოიპოვა. “ჩელსი” “ჰალ სიტის” სტუმრობდა, რომელმაც ლონდურ კლუბს მედგარი წინააღმდეგობა გაუწია.

“არისტოკრატებმა” აქტიურად დაიყეს და უკვე მე-9 წუთისთვის აზარის და დიეგო კოშტას გოლებით 2:0-ს იგებდნენ. თუმცა, მასპინძლებმა 26-ზე ელ მოჰამადის გოლით გაათანაბრეს, ზუსტად 2 წუთში კი ერნადესმა კურტუასა და ივანოვიჩის შეუთანხმებელი თამაშით ისარგებლა და წონასწორობა აღადგინა.

მატჩის ბედი მეორე ნახევარსი გადაწყტა. 77-ე წუთზე შეცვლაზე შემოსულმა ლოიკ რემიმ ვილიანის პასით ისარგებლა და საბოლოოდ ანგარიში, 2:3 დააფიქსირა.

ლივერპული – მანჩესტერ იუნაიტედი

რეზონანსული გამოდგა ტურის ცენტრალური მატჩი, რომელშიც “ლივერპულმა” “მანჩესტერ იუნაიტედს” უმასპნიძლა და მინიმალური სხვაობით დამარცხდა.

სტუმრებმა ანგარიში მე-14 წუთზე, ხუან მატას გოლით გახსნეს და ტაიმის მოგებაც შეძლეს. მეორე ნახევარში ბრენდან როჯერსმა მდგომარეობის გამოსწორება შეცვლებით სცადა და მოედანზე ლალანას ნაცვლად სტივენ ჯერარდი შეუშვა. თუმცა, მერსისაიდელთა ლეგენდარული კაპიტნის “მანჩესტერ იუნაიტედთან” ბოლო შეხვედრა საკმაოდ ხანმოკლე გამოდგა. მოედანზე გამოსვლიდან 40 წამში ჯერარდმა წითელი ბარათი მიიღო და მოედანი დატოვა.

რიცხობრივ უპირატესობაში დარჩენილი “იუნაიტედის” უპირატესობა კიდევ უფრო თვალსაჩინო გახდა და 59-ე წუთზე ანხელ დი მარიას პასით ხუან მატამ ულამაზესი გოლით სხვაობა ორამდე გაზარდა. ზუსტად 10 წუთში მასპნიძლებმა სხვაობა სტარიჯის გოლით შეამცირეს, მაგრამ მეტის გაკეთება ვეღარ შეძლეს. მანჩესტერელებს კი მესამე გოლის გატანის რეალური შანსი ჰქონდათ, თუმცა ბოლო წუთზე უეინ რუნის დარტყმული პენალტი მინოლემ მოიგერია.

ტურის ყველა მატჩი

21.03	16:45	სიტი		3:0		ვესტ ბრომ		დაწვრილებით
21.03	19:00	ტოტენჰემი		4:3		ლესტერ სიტი		დაწვრილებით
21.03	19:00	სტოკ სიტი		1:2		კრ პალასი		დაწვრილებით
21.03	19:00	საუთჰემპტონი		2:0		ბარნლი		დაწვრილებით
21.03	19:00	ნიუკასლი		1:2		არსენალი		დაწვრილებით
21.03	19:00	ასტონ ვილა		0:1		სუონსი სიტი		დაწვრილებით
21.03	21:30	ვესტ ჰემი		1:0		სანდერლენდი		დაწვრილებით
22.03	17:30	ლივერპული		1:2		მანჩესტერი		დაწვრილებით
22.03	20:00	ჰალ სიტი		2:3		ჩელსი		დაწვრილებით
22.03	20:00	ქ.პ.რ.		1:2		ევერტონი		დაწვრილებით