ინგლისი: მე-12 ტურის მიმოხილვა

თარიღი: ნოემბერი 24, 2014

Fanebi.com წარმოგიდგენთ პრემიერლიგის მეთორმეტე ტურის მიმოხილვას.

ჩელსი – ვესტ ბრომვიჩი

სანაკრებო პაუზის შემდეგ ლონდონის “ჩელსიმ” პრემიერლიგაში მორიგი შეხვედრა მოიგო. მოურინიოს გუნდი ბოლო წლებში უხერხულ მეტოქედ ქცეულ “ვესტ ბრომვიჩს” უმაპსინძლა და მეტოქეს ორი უპასუხო გოლი გაუტანა.

მასპინძლებმა შეხვედრის ბედი პირველივე ტაიმში, 25-ე წუთისთვის გადაწყვიტეს. ანგარიში მე-11 წუთზე დიეგო კოშტამ გახსნა, ხოლო მალევე სხვაობა ორამდე ედენ აზარმა გაზარდა.

აღსანიშნავია, რომ მეორე გაშვებული გოლიდან ზუსტად 4 წუთში სტუმრები იაკობის გაძევების გამო რიცხობრივ უმცირესობაში დარჩნენ და შეხვედრაში გარდატეხის შეტანა ვეღარ მოახერხეს.

მანჩესტერ სიტი – სუონსი

საინტერესო შეხვედრას უმასპინძლა “ეტიჰადმა”, სადაც “მანჩესტერ სიტის” “სუონსი” ესტუმრდა. უელსელები მე-9 წუთზე უილფრედ ბონის გოლით დაწინაურდნენ, თუმცა პელეგრინის შეგირდებმა წონასწორობის აღდგენა მალევე, 10 წუთში მოახერხეს. ხესუს ნავასის გადაცემით ზუსტი დარტყმა იოვეტიჩმა შეასრულა და ტაიმიც საყაიმო ანგარიშით დასრულდა.

გამარჯვებული მეორე ნახევარში გამოვლინდა. 62-ე წუთზე გადამწყვეტი დარტყმა იაია ტურემ შეასრულა. კოტ დივუარელს ასისტენტობა ფერნანდინიო გაუწია.

ამ გამარჯვებით “სიტიმ” 25 ქულა მოუყარა თავი და მეორე პოზიციაზე მყოფ “საუთჰემპტონს” მიუახლოვდა, რომელიც საკუთარ შეხვედრას დღეს საღამოს ჩაატარებს.

არსენალი – მანჩესტერ იუნიატედი

ტურის ცენტრალურ შეხვედრაში ლონდონის “არსენალმა” “მანჩესტერ იუნაიტედი” მიიღო და მინიმალური სხვაობით დამარცხდა.

უგოლო პირველი ტაიმის შემდეგ, რომელიც მასპინძელთა კარნახით წარიმართა, “მანჩესტერმა” შეხვედრაში გარდატეხის შენატა შეძლო და 56-ე წუთზე დაწინაურდა. საკუთარ კარში ბურთი გიბსმა ჩაჭრა. “არსენალი” გათანაბრებას ცდილობდა, თუმცა 85-ე წუთზე კონტრშეტევა გამოეპარა და რუნიმ საკუთარი გუნდის უპირატესობა oრამდე გაზარდა.

მატჩის ძირითად დროს მაიკ დინმა 8 წუთი დაამატა, რა დროსაც ლონდონელებმა ერთი გოლის გატანა შეძლეს. ტრავმის შემდეგ მოედანზე დაბრუნებლმა ოლივიე ჟირუმ ულამაზესი დარტყმით სხვაობა მინიმუმამდე შეამცირა, თუმცა მეტის გაკეთება ვენგერის შეგირდებმა ვეღარ მოასწრეს.

ტურის ყველა მატჩი და ევროპაბეთის კოეფიციენტები

22.11	19:00	ჩელსი	2:0	ვესტ ბრომვიჩი	დაწვრილებით
22.11	19:00	სტოკი	1:2	ბარნლი	დაწვრილებით
22.11	19:00	ნიუკასლი	1:0	ქპრ	დაწვრილებით
22.11	19:00	სიტი	2:1	სუონსი სიტი	დაწვრილებით
22.11	19:00	ლესტერი	0:0	სანდერლენდი	დაწვრილებით
22.11	19:00	ევერტონი	2:1	ვესტ ჰემი	დაწვრილებით
22.11	21:30	არსენალი	1:2	მანჩესტერი	დაწვრილებით
23.11	17:30	კრისტალ პ	3:1	ლივერპული	დაწვრილებით
23.11	20:00	ჰალ სიტი	1:2	ტოტენჰემი	დაწვრილებით
24.11	23:59	ასტონ ვილ	-:-	საუთჰემპტონი	დაწვრილებით