ინგლისი: მე-13 ტურის მიმოხილვა
Fanebi.com წარმოგიდგენთ ინგლისური პრემიერლიგის მე-13 ტურის მიმოხილვას.
მანჩესტერ იუნაიტედი – ჰალ სიტი
“მანჩესტერ იუნაიტედმა” ზედიზედ მესამე გამარჯვების მოპოვება და ოთხეულში დამკვიდრება მოახერხა. გასულ ტურში “ოლდ ტრაფორდს” “ჰალ სიტი” ესტუმრა და საკუთარ კარში სამი უპასუხო გოლიც მიიღო.
ანგარიში მასპინძლებმა მე-16 წუთზე სმოლინგის დარტყმით გახსნეს. პირველი ტაიმის დასრულებამდე 3 წუთი რჩებოდა, როდესაც რუნიმ საკუთარი გუნდის უპირატესობა ორბურთიანი გახადა.
მეორე ნახევარში მანჩესტერელებმა კიდევ ერთხელ გაიტანეს. ამჯერად გოლის ავტორი რობინ ვან პერსი გახდა, რომელმაც საბოლოო ანგარიში ულამაზესი დარტყმით დააფიქსირა.
სანდერლენდი – ჩელსი
საკუთარი მატჩი ვერ მოიგო გათამაშების ლიდერმა ლონდონის “ჩელსიმ”. არისტოკრატებმა გასული სეზონის მსგავსად ქულები კვლავ “სანდერლენდთან” დაკარგეს.
ლონდონელთა მცდელობების მიუხედავად შეხვედრა უგოლოდ დასრულდა. მიუხედავად ამისა “ჩელსი” სატურნირო ცხრილს კვლავ დამაჯერებლად ლიდერობს და უახლოეს მდევარს, რომელიც ამ ტურის შემდეგ შეიცვალა, 6 ქულით უსწრებს.
საუთჰემპტონი – მანჩესტერ სიტი
ტურის მთავარი მატჩი ერთი გუნდის აშკარა უპირატესობით წარიმართა. საუთჰემპტონში “სიტის” სტუმრობა მასპინძელთა 6-მატჩიანი დაუმარცხებელი სერიის წინაპირობა გახდა.
უგოლო პირველი ტაიმის შემდეგ მატჩის ყველაზე საინტერესო მოვლენები მეორე ნახევარში განვითარდა. 51-ე წუთზე ანგარიში აგუეროს გადაცემით იაია ტურემ გახსნა. 74-ე წუთზე სტუმართა ცენტრალურმა მცველმა, ელიაკიმ მანგალამ, მეორე ყვითელი ბარათი მიიღო და მოედანი ნაადრევად დატოვა. მიუხედავად ამისა, უმცირესობაში დარჩენილმა მანჩესტერელებმა, ბოლო 10 წუთში კიდევ ორი გოლის გატანა მოახერხეს. შედეგიანი დარტყმები შეცვლაზე შემოსული ლამპარდის და კლიშის ანგარიშზეა. აღსანიშნავია, რომ ფრანგს ასისტენტობა იმავე აგუერომ გაუწია.
ტურის ყველა მატჩი
| 29.11 | 16:45 | ვესტ ბრომვიჩი |  |
0:1 |  |
არსენალი | დაწვრილებით | |
| 29.11 | 19:00 | ვესტ ჰემი |  |
1:0 |  |
ნიუკასლი | დაწვრილებით | |
| 29.11 | 19:00 | სუონსი სიტი |  |
1:1 |  |
კრისტალ პალასი | დაწვრილებით | |
| 29.11 | 19:00 | ქ.პ.რ. |  |
3:2 |  |
ლესტერ სიტი | დაწვრილებით | |
| 29.11 | 19:00 | მანჩესტერი |  |
3:0 |  |
ჰალ სიტი | დაწვრილებით | |
| 29.11 | 19:00 | ლივერპული |  |
1:0 |  |
სტოკ სიტი | დაწვრილებით | |
| 29.11 | 19:00 | ბარნლი |  |
1:1 |  |
ასტონ ვილა | დაწვრილებით | |
| 29.11 | 21:30 | სანდერლენდი |  |
0:0 |  |
ჩელსი | დაწვრილებით | |
| 30.11 | 17:30 | საუთჰემპტონი |  |
0:3 |  |
მანჩესტერ სიტი | დაწვრილებით | |
| 30.11 | 20:00 | ტოტენჰემი |  |
2:1 |  |
ევერტონი | დაწვრილებით |
