ინგლისის ნაკრების ყოფილი ფეხბურთელი კორონავირუსის დიაგნოზით ჰოსპიტალიზებულია

ინგლისის ნაკრებისა და “ლიდს იუნაიტედის” ყოფილ მცველ ნორმან ჰანტერს კორონავირუსული ინფექცია დაუდგინდა. მას შემდეგ, რაც 76 წლის ჰანტერის ტესტმა COVID 19-ზე დადებითი შედეგი აჩვენა, ის სამედიცინო დაწესებულებაში გადაიყვანეს.

ნორმან ჰანტერი 1966 წლის მსოფლიოოს ჩემპიონი და 1968 წლის ევროპის ჩემპიონატის ბრინჯაოს მედლის მფლობელია. ის “ლიდსის” ღირსებას 1962-დან 1976 წლამდე იცავდა. მან ამ პერიოდის განმავლობაში 726 მატჩი ჩაატარა და ორჯერ გახდა ქვეყნის ჩემპიონი, მოიგო ინგლისის თასი და სუპერთასი. 1975 წელს ითამაშა ევროპის ჩემპიონთა თასის ფინალურ მატჩში, სადაც “ლიდსი” მიუნხენის “ბაიერნთან” ანგარიშით 0:2 დამარცხდა.