ინგლისის ნაკრებს ჩილესთან ლამპარდი უკაპიტნებს
ინგლისის ეროვნულ ნაკრებს ჩილეს ეროვნულ ნაკრებთან გასამართ შეხვედრაში, ლონდონის “ჩელსის” ფეხბურთელი, ფრენკ ლამპარდი უკაპიტნებს.
მატჩში მონაწილეობას ვერ მიიღებს ლივერპულელი სტივენ ჯერარდი, რომელსაც ბარძაყის დაზიანება აქვს. შესაბამისად, ლამპარდი ნაკრებში მისთვის რიგით მეასე მატჩში გუნდის კაპიტანი იქნება.
“ძალიან განსაკუთრებული მატჩი მელის. 100 შეხვედრის ჩატარებას, რა თქმა უნდა, დიდი დრო ჭირდება. მიხარია, რომ გუნდს მე ვუკაპიტნებ”, – ამბობს ლამპარდი.