ინგლისური გრანდები რენატუ სანჩესს იწვევენ

პორტუგალიის საფეხბურთო ნაკრებისა და “ლილის” ნახევარმცველი, რენატუ სანჩესი, შესაძლოა, ინგლისის პრემიერ ლიგის კლუბში ვიხილოთ. მის მიმართ დაინტერესებას “არსენალისა” და “ლივერპულის” ხელმძღვანელები იჩენენ.

სანჩესმა ზემოხსენებული კლუბების ყურადღება ევროპის ჩემპიონატზე კარგი ასპარეზობით მიიპყრო. აღსანიშნავია ისიც, რომ გასული სეზონი რენატუსთვის ძალიან შედეგიანი იყო “ლილის” ლიგებში. საფრანგეთის ჩემპიონ გუნდში სანჩესმა 29 მატჩში მიიღო მონაწილეობა, გაიტანა ერთი გოლი და გააკეთა 4 საგოლე გადაცემა.

მიუხედავად იმისაც, რომ 23 წლის ფეხბურთელს გასული სეზონის განმავლობაში მცირე ტრავმები აწუხებდა, ინგლისური კლუბები მზად არიან “ლილს” მისი ტრანსფერის თაობაზე ოფიციალური წინადადებით მიმართოს.

ფრანგული გამოცემა L’Equipe ირწმუნება, რომ “ლილს” ფინანსური პრობლემები აქვს და შესაფერისი შეთავაზების მიღების შემთხვევაში, მზადაა პორტუგალიელს შეელიოს.