ინიესტამ ნეიმარსა და “ბარსელონაში” დაბრუნების შანსებზე ისაუბრა

ლეგენდარულმა ესპანელმა ნახევარმცველმა, ანდრეს ინიესტამ, რომელიც ამჟამად იაპონური “ვისელ კობეს” ღირსებას იცავს, “ბარსელონაში” დაბრუნების შანსებსა და ნეიმარზე ისაუბრა.

“სიმართლე გითხრათ, ჩემთვის დაბრუნება ძალიან რთული იქნება, თუმცა არასოდეს იცი, ფეხბურთში რა მოხდება.

ყველა ოცნებობს გუნდში ისეთი დონის ფეხბურთელის ყოლაზე, როგორიც ნეიმარია. პირადად ჩემთვის, ის დღესდღეობით მსოფლიოს ერთ-ერთი საუკეთესო ფეხბურთელია. მაგრამ ძალიან მეეჭვება, ის “ბარსელონაში” დაბრუნდეს,” – ციტირებს ინიესტას სიტყვებს Mundo Deportivo.

შეგახსენებთ, რომ ნეიმარი “ბარსელონას” რიგებში 2013-17 წლებში ასპარეზობდა, რის შემდეგაც “პარი სენ-ჟერმენში” 222 მილიონიანი ტრანსფერით გადაბარგდა.